Сирдарё туман солиқ инспекцияси бошлиғи ходимларини ҳақорат қилди
Сирдарё туман солиқ инспекцияси бошлиғи Тоҳир Элмуродов қўл остидаги ходимларни қўпол гаплар билан ҳақоратлагани акс видеолар тарқалди.
Ижтимоий тармоқларда Сирдарё тумани солиқ инспекцияси бошлиғи Тоҳир Элмуродов йиғилишда қўл остидаги ходимларни жуда қўпол сўзлар билан ҳақоратлагани акс этган видеолар тарқалди. Видеода у қўлидан ҳамма нарса келишини айтиб, солиқчиларга таҳдид қилган.
«Нима, эски Сирдарёни энасини…. қилиб ташлайсизларми яна. Итнинг кейинги оёғи қилиб. Шунақанги и….н, н…й, қаердан келганини билмай қолади. Н…..а с…я индамаганимга, ҳамманг! Ҳа, ўзига келиб қолди, ишлаяпти деб индамай қолганимга х….т қилиб, ҳеч қайси биринг. Ҳали менинг ёмон кунимни кўрганларинг йўқ. Ҳозир яхши томонимни кўрсатиб турибман. Ўйнашингга ишониб, эрсиз қоласан, н….й. Тумтарақай қилиб ташлайман. Қўлимдан ҳам келади, қурбим ҳам етади. Қайси биринг, х….т қилаётган бўлсанг. Билмайман, қандай қилиб бажарасан», деган видеода Тоҳир Элмуродов.
Шунингдек, туман солиқ бошлиғи йил тугаётгани, қарздорлик эса кўплигини айтиб шундай деган: «Мана шу кун кечқурунгача бажармагин, битта-иккитангни шунақанги пайпоғингни тўғрилаб қўяман. Ишониб юрганингга ишониб юравер. Ишонганинг билан и……н битта-иккитангни. Шуни қўшиб қўяй».
Мазкур ҳолат бўйича Сирдарё вилояти солиқ бошқармаси расмий муносабат билдирди. «Дастлабки ўрганишлар давомида мазкур ҳолат 2024 йилда содир бўлганлиги аниқланди», дейилади муносабатда.
Вилоят солиқ бошқармасига кўра, ҳозирда ўрганиш ишлари давом эттирилмоқда. Ўрганиш якуни бўйича қўшимча маълумотлар тақдим этилади.
