Тошкентда Марказий Осиё давлатлари раҳбарларининг еттинчи Маслаҳат учрашуви бўлиб ўтади

Бугун 10:271661

15-16 ноябр кунлари Тошкент шаҳрида Шавкат Мирзиёев раислигида Марказий Осиё давлатлари раҳбарларининг еттинчи Маслаҳат учрашуви бўлиб ўтади. Учрашувда Озарбайжон Республикаси Президенти Илҳом Алиев ҳам иштирок этади.

15-16 ноябр кунлари Тошкентда Марказий Осиё давлатлари раҳбарларининг еттинчи Маслаҳат учрашуви бўлиб ўтади. Бу ҳақда президент ахборот хизмати хабар берди.

Саммитда Озарбайжон Республикаси Президенти Илҳом Алиев, Туркманистон Президенти Сердар Бердимуҳамедов, Тожикистон Республикаси Президенти Эмомали Раҳмон, Қозоғистон Республикаси Президенти Қосим-Жомарт ТЎқаев, Қирғиз Республикаси Президенти Садир Жапаров, шунингдек, БМТнинг Марказий Осиё учун превентив дипломатия бўйича минтақавий маркази раҳбари Каха Имнадзе иштирок этади.

Тадбир кун тартибидан Марказий Осиёда минтақавий ҳамкорликни янада мустаҳкамлаш, шунингдек, устувор соҳаларда қўшма лойиҳалар ва ташаббусларни амалга ошириш масалалари ўрин олган. Минтақавий ва халқаро сиёсатнинг долзарб масалалари юзасидан фикр алмашилади.

Маслаҳат учрашуви якунларига кўра кўп томонлама ҳужжатларнинг салмоқли тўплами қабул қилиниши кутилмоқда.

Минтақа давлатлари раҳбарларининг мунтазам маслаҳатлашувларини ўтказиш ташаббуси Ўзбекистон етакчиси томонидан 2017 йилнинг сентябрь ойида БМТ Бош Ассамблеясининг 72-сессиясида илгари сурилган эди.

Маълумотларга кўра, Ўзбекистоннинг ушбу форматдаги раислиги даврида ҳамкорликнинг турли соҳаларини қамраб олувчи 20 дан ортиқ йирик тадбирлар ўтказилган.

Эслатиб ўтамиз, Тошкент шаҳрида бўлажак Марказий Осиё давлатлари раҳбарларининг еттинчи Маслаҳат учрашуви олдидан Озарбойжон Республикаси Президенти Илҳом Алиев билан Ўзбекистон миллий ахборот агентлиги интервью ташкил қилган эди.

Теглар

Тошкент Шавкат Мирзиёев Марказий Осиё саммит Илҳом Алиев

Мавзуга оид

08.11.2025 | 10:56

Европа Иттифоқи Ўзбекистон билан виза тартибини соддалаштириш бўйича музокаралар олиб бориши мумкин — ЕИ элчиси

Европа Иттифоқи Ўзбекистон билан виза тартибини енгиллаштириш бўйича музокаралар ўтказиш имкониятини инкор этмаяпти. «Лекин эртага бу содир бўлмайди. Ҳаммаси муносабатларимиз қанчалик мустаҳкамланишига боғлиқ бўлади» — деди ЕИ нинг Ўзбекистондаги элчиси.

Кеча 10:10

Мирзиёев АҚШнинг Юта штати бизнес делегациясини қабул қилди

Шавкат Мирзиёев Америка Қўшма Штатлари Юта штатининг Исо Масиҳ Охирги замон авлиёлари черкови оқсоқоли Девид Беднар ва «Стирлинг» халқаро хайрия фонди раиси Майлс Хансендан иборат ишбилармонлар билан учрашди.

12.11.2025 | 12:25

Америка–Ўзбекистон ишбилармонлик ва инвестиция кенгаши ташкил этилади

Ўзбекистон томонидан кенгашга Президент Администрацияси раҳбари Саида Мирзиёева ҳамраислик қилади. Шунингдек, 2026-йил 1-январдан бошлаб Ўзбекистоннинг АҚШдаги элчихонасида Президент Администрацияси вакили — маслаҳатчи-элчи лавозими жорий этилади.

12.11.2025 | 08:00

Тошкентдаги 9 мингдан зиёд лифт носоз экани рад этилди

Қурилиш ва уй-жой коммунал хўжалиги вазирлигига кўра, техник кўрик жараёнида лифтларда аниқланадиган камчиликлар — бу лифт носоз деган хулосани бермайди.

08.11.2025 | 08:28

Шубҳали одамлардан ер ва бино сотиб олманг — пойтахт ҳокимлиги тадбиркорларни огоҳлантирди

Жойларда ерни ноқонуний ажратиш ва қурилиш ҳолатлари кўпаймоқда. Ваколатсиз шахсларга ишониш — сармоядан айрилиш хавфини келтириб чиқаради, дейилади баёнотда.

10.11.2025 | 11:35