Venesuelada zilzila qurbonlari soni 3 mingga yaqinlashdi, 50 mingga yaqin odam bedarak yo‘qolgan

Venesuela rasmiylari 24-iyun kuni mamlakatda yuz bergan ikkita kuchli zilzila oqibatida halok bo‘lganlar soni 2954 kishiga yetganini ma’lum qildi.

Xalqaro qutqaruv guruhlari qidiruv-qutqaruv operatsiyalarini yakunlamoqda. Venesuela hukumati bedarak yo‘qolganlar bo‘yicha aniq raqamlarni e’lon qilmagan bo‘lsa-da, Birlashgan Millatlar Tashkiloti ketma-ket sodir bo‘lgan 7,2 va 7,5 magnitudali zilzilalardan keyin 50 minggacha odam vayronalar ostida qolgan bo‘lishi mumkinligini taxmin qilmoqda.

Tabiiy ofatdan eng katta zarur poytaxt Karakas shimolida joylashgan qirg‘oqbo‘yidagi La Guayra shtatiga yetdi. Qutqaruvchilar so‘nggi hafta ichida vayronalar ostidan bir nechta omon qolganlarni olib chiqishga muvaffaq bo‘lishdi. Shuningdek, La Guayradagi «Mayketiya» xalqaro aeroporti gumanitar yordam reyslarini qabul qilish uchun qisman qayta ochildi. Rasmiylar aeroport faoliyatini to‘liq tiklash bo‘yicha xalqaro hamkorlar bilan ishlayotganini va kelasi haftada tiklanish rejasini yakunlashini bildirgan.

Venesuela prezidenti Delsi Rodriges xalqaro qidiruv-qutqaruv guruhlarini ko‘rsatgan yordami uchun taqdirladi. U o‘z nutqida Venesuela hozirda «chuqur milliy qayg‘u»ni boshdan kechirayotganini, ko‘plab oilalar yaqinlarining tirik topilishidan hali ham umid uzmayotganini, boshqalar esa bor-budidan ayrilganini ta’kidladi.

Avvalroq, zilzila qurbonlari soni 1430 taga yetgani, yana 68,9 ming kishi bedarak yo‘qolgani haqida xabar berilgan edi.