Andijonda 385 mln so‘mlik gazdan noqonuniy foydalangan novvoyxona aniqlandi

Bugun 15:51501

Andijon viloyatida novvoyxona tabiiy gazni noqonuniy tarzda ishlatib kelayotgani aniqlandi.

Andijonda 385 mln so‘mlik gazdan noqonuniy foydalangan novvoyxona aniqlandi

Andijon viloyatida tabiiy gazdan noqonuniy foydalanish holatlarini aniqlash bo‘yicha o‘tkazilgan nazorat tadbirlari davomida katta miqdordagi gaz o‘g‘riligi fosh etildi. Bu haqda «Hududgazta’minot» AJ xabar berdi.

Qayd etilishicha, Oltinko‘l tumanidagi «Ayronchi» mahalla fuqarolar yig‘inida yashovchi fuqaroga tegishli xonadon tekshiruvdan o‘tkazilganda, uning hovlisida joylashgan novvoyxona tabiiy gaz tarmog‘iga noqonuniy ulangani ma’lum bo‘ldi.

Novvoyxonada hisoblash uskunasisiz va loyiha-texnik hujjatlarsiz umumiy gaz tarmog‘iga rezina shlang orqali ulanish holati aniqlangan. Gaz «zangori yoqilg‘i» sifatida tijorat maqsadida — non va oziq-ovqat mahsulotlarini pishirishda ishlatilgan.

Tekshiruv natijasida tabiiy gazni noqonuniy ishlatish orqali davlatga yetkazilgan zarar 385 million 441 ming so‘m etib hisoblandi. Holat yuzasidan tegishli dalolatnoma rasmiylashtirildi va materiallar huquqni muhofaza qiluvchi organlarga yuborildi.

Eslatib o‘tamiz, avvalroq 2025 yilning oktabr oyida O‘zbekiston bo‘ylab energiya resurslaridan noqonuniy foydalanish natijasida tizimga 99 milliard so‘mlik zarar yetkazilgani ma’lum qilingandi.

Teglar

tabiiy gaz Andijon huquqbuzarlik Hududgazta’minot

Mavzuga oid

07.11.2025 | 18:15

Ekologiyaga oid eng ko‘p huquqbuzarliklar Qoraqalpog‘iston va Samarqandda sodir etildi

O‘zbekistonda 6 oy ichida ekologiyaga oid huquqbuzarlik qilgan 158 kishiga jinoyat ishi ochildi.

Bugun 12:15

Toshkent va Andijonda havo ifloslanishi xavfli darajaga yetdi

O‘zgidromet poytaxt va Andijon aholisini havodagi yuqori ifloslanish haqida ohoglantirdi

08.11.2025 | 13:35

Urgutda hokim yordamchisi va advokat pora bilan qo‘lga tushdi

Samarqand viloyati Urgut tumanida 61 mln so‘mlik kamomad ishini «yopib berish» evaziga pora olgan hokim yordamchisi va advokat ushlangan.

05.11.2025 | 12:35

Toshkent va Navoiyda mansabdorlar pora bilan qo‘lga olindi

Ohangaron tumanida fermerdan pora talab qilgan soliq inspektori ashyoviy dalillar bilan qo‘lga olindi. Navoiyda esa sport maktabi rahbarlari murabbiyning xizmat safari pullaridan ulush talab qilganlikda ayblanmoqda.

Kecha 10:40

Namanganda kontrabanda yo‘li bilan olib kirilgan giyohvand moddalar fosh etildi

Qirg‘iziston Respublikasidan aylanma yo‘llar orqali olib kelingan qiymati 3,2 mlrd so‘mdan ortiq bo‘lgan, 24122 dona kuchli ta’sir qiluvchi dori vositalari hamda 45 turdagi jami 61 287 dona kontrafakt dorilari aniqlangan.

Bugun 09:55

Pora evaziga yer maydonlarini noqonuniy sotmoqchi bo‘lganlar ushlandi

Samarqand va Qashqadaryo viloyatlarida yer maydonlarini noqonuniy sotmoqchi bo‘lgan shaxslar fosh etildi. Ular katta miqdorda pul talab qilgan paytda qo‘lga olingan.