G‘azo bo‘yicha tinchlik muzokaralari barbod bo‘lish arafasida

12.07.2025 | 11:3021333

Qatarda olib borilayotgan Isroil va HAMAS o‘rtasidagi tinchlik muzokaralari jiddiy to‘siqlarga duch kelmoqda. Falastin rasmiylarining ta’kidlashicha, muzokaralar yopilish xavfi ostida turibdi va ikki tomonning qarashlari o‘ta keskin farq qilmoqda.

G‘azo bo‘yicha tinchlik muzokaralari barbod bo‘lish arafasida

Qatar poytaxti Doha shahrida o‘tkazilayotgan G‘azodagi o‘t ochishni to‘xtatish va garovdagi shaxslarni ozod qilish bo‘yicha muzokaralar jiddiy to‘siqlarga uchramoqda. Rasmiylarning so‘zlariga ko‘ra, Isroil Bosh vaziri Binyamin Netanyahuning Vashingtonga tashrifi ortidan muzokaralar cho‘zilgan va Isroil delegatsiyasiga hal qiluvchi qarorlar qabul qilish vakolati berilmagan. Asosiy bahslar gumanitar yordamni yetkazish mexanizmlari va Isroil qo‘shinlarining G‘azodan olib chiqilishi yuzasidan yuz bermoqda. HAMAS gumanitar yordam BMT va xalqaro tashkilotlar orqali tarqatilishini talab qilmoqda. Isroil esa G‘azo gumanitar jamg‘armasi orqali tarqatishni taklif qilmoqda. Biroz yaqinlashuv qayd etilgan bo‘lsa-da, rasmiy kelishuvga erishilmadi. Ikkinchi yirik muammo — bu Isroil qo‘shinlarining G‘azodan qanchalik chiqarilishi masalasi. HAMAS boshida 1–1,5 km bufer zonasiga rozi bo‘lgan. Ammo taqdim etilgan xaritalarda bu zonalar 3 km gacha kengaytirilib, G‘azo shahri va janubdagi Rafa to‘liq qamrab olingan. Bu esa ishonchni yanada susaytirdi. Shuningdek, Isroil mudofaa vaziri Isroil Katsning Rafa shahrida 600 ming kishiga mo‘ljallangan «insoniy shaharcha» barpo etish rejasi ham keskin tanqid qilinmoqda. Muzokaralar 8 marta davom etdi va ularga Qatar Bosh vaziri, Misr va AQSH rasmiylari vositachilik qilmoqda. AQSHdan jiddiyroq bosim o‘tkazish talab etilmoqda. Aks holda, mintaqa yana yangi halokatli bosqichga o‘tishi mumkin.

Teglar

Isroil HAMAS G‘azo Netanyahu

Mavzuga oid

31.10.2025 | 17:30

Britaniya qiroli o‘z ukasini barcha unvonlaridan mahrum qildi

Buyuk Britaniya qiroli Charlz III ukasi Shahzoda Endryuni barcha rasmiy unvon va faxriy maqomlaridan mahrum qilib, uni Bukengem qarorg‘ohidan chiqarib yuborishga qaror qildi.

31.10.2025 | 10:45

AQSH Senati Trampning global boj siyosatiga chek qo‘ydi

AQSH Senati Tramp joriy etgan xalqaro bojlarni bekor qildi. Ammo Palata qonun loyihasini ko‘rib chiqishi shubhali. Shu bilan birga, Tramp Xitoyga nisbatan bojlarni ham qisqartirdi.

27.10.2025 | 23:24

«Burevestnik»: Rossiyaning yangi raketasi kimga tahdid solmoqda?

Rossiya «Burevestnik» nomli cheksiz uzoqlikka ucha oladigan qanotli raketaning muvaffaqiyatli sinovlari haqida ma’lum qilindi. «Bu o‘ziga xos noyob qurol» deya ta’kidladi Rossiya prezidenti Vladimir Putin. Biroq, mutaxassislar bu qurolning «mo‘’jiza» ekaniga ishonmayaptilar.

31.10.2025 | 20:12

«Maduroning vaqti tugab bormoqda»: Tramp Venesuela masalasida qaror qabul qildi

Donald Tramp ma’muriyati Venesueladagi harbiy ob’ektlarga zarba berish to‘g‘risida qaror qabul qildi. Bu hujumlar yaqin kunlarda yoki hatto bir necha soat ichida amalga oshirilishi mumkin.

30.10.2025 | 18:20

Riodagi politsiya reydida 130 dan ortiq kishi halok bo‘ldi

Braziliyaning Rio-de-Janeyro shahrida «narko-terroristlar»ga qarshi o‘tkazilgan politsiya amaliyoti fojiaga aylandi — qurbonlar soni 132 nafarga yetdi, ular orasida begunoh fuqarolar ham borligi aytilmoqda.

31.10.2025 | 08:58

Luvrdagi o‘g‘rilik bo‘yicha Fransiyada yana besh kishi qo‘lga olindi

Parijdagi Luvr muzeyidan Napoleon davriga oid 88 mln yevroga baholangan qimmatbaho zeb-ziynatlarni o‘g‘irlash ishi bo‘yicha yana besh kishi hibsga olindi.