Jennifer Lopes konsertiga bepul transport qatnovi yo‘lga qo‘yildi

Toshkent shahar IIBB Yo‘l harakati xavfsizligi boshqarmasi ma’lumotiga ko‘ra, harakat 12:00 dan 23:00 gacha to‘liq to‘xtatiladi. Yo‘llar yopiladigan hududlar quyidagilar: — Cho‘ponota va Qatortol ko‘chalari chorrahasidan Chilonzor ko‘chasigacha bo‘lgan Cho‘ponota ko‘chasi; — Chilonzor va Cho‘ponota ko‘chalari chorrahasidan KXAY ko‘chasigacha bo‘lgan Chilonzor ko‘chasi; — Bunyodkor ikkinchi darajali ko‘chasi — KXAYdan Cho‘pon ota ko‘chasigacha bo‘lgan qismi. Haydovchilarga aylanma va yondosh ko‘chalardan foydalanish tavsiya qilinmoqda. Shuningdek, «Toshshaxartransxizmat» kompaniyasi tomonidan konsert ishtirokchilari uchun maxsus bepul avtobuslar qatnovi tashkil etildi. Ular soat 16:00 dan boshlab quyidagi joylardan harakatlanadi: — City Mall savdo markazi oldi, — Hyatt Regency mehmonxonasi oldi, — Humo Arena muz saroyi oldi. Avtobuslarning old oynasida «Bunyodkor stadioni» yozuvi bo‘ladi. Konsertdan so‘ng ushbu avtobuslar qatnashchilarni qaytib chiqish manzillariga yetkazadi.