Rossiyada 500 ta ballistik raketa zaxirasi bor — The Economist

Manbalarga tayanib berilgan ma’lumotlarga ko‘ra, bitta ballistik raketani yo‘q qilish uchun odatda ikki PAC-3 turdagi Patriot raketasi talab etiladi. Ammo bunday raketalardan yiliga atigi 650 tasi ishlab chiqariladi, bu esa Ukraina ehtiyojini qoplashga yetarli emas. Nashr ta’kidlashicha, Kiyev AQSHdan Patriot tizimlarini har qanday narxda xarid qilishga tayyor. Biroq Vashingtonning Ukrainaga nisbatan qo‘llab-quvvatlovi so‘nmoqda. Ayniqsa, Donald Trampning noma’lum pozitsiyasi ushbu yordamni xavf ostida qoldirmoqda. Germaniyada PAC-3 raketalarini ishlab chiqarish 2026 yil oxirigacha boshlanmasligi ham Ukraina mudofaasiga salbiy ta’sir ko‘rsatishi mumkin. Ukrainada esa ushbu turdagi raketalarni mahalliy ishlab chiqarish imkoniyatlari hali yetarli darajaga yetmagan. Rossiyaning raketalar zaxirasi haqidagi ushbu ma’lumot Rossiya-Ukraina urushidagi muvozanatga ta’sir ko‘rsatishi mumkin. Ukraina mudofaasini mustahkamlash uchun yangi strategik yechimlar talab etiladi.