Энг яхши микрокредит ва автокредит ставкаларини қайси банклар таклиф қилмоқда?

Марказий банк мамлакатдаги тижорат банклари томонидан аҳолига ажратилаётган микроқарз ва автокредитлар бўйича ўртача фоиз ставкаларини янгилади.

Янги ҳафтада микроқарзлар бўйича ўртача фоиз ставкаси 29,6 фоизни, автокредитлар бўйича эса 21,4 фоизни ташкил этди. Ўтган ҳафтада ставкалар мос равишда 29,4 ва 21,3 фоизни ташкил этганди.

Микроқарзлар

Микроқарзлар сегментида энг паст фоиз ставкаси 22,5 фоиз билан «Aloqabank»да қайд этилди. Кейинги ўринларда «Infinbank» — 24,0 фоиз, «Trastbank» — 24,2 фоиз, «Asia Alliance bank» — 24,4 фоиз ва «Milliy bank» — 25,0 фоиз ставка билан жойлашди.

Шунингдек, «Universal bank» 25,2 фоиз, «BRB» ва «Agrobank» 26,0 фоиз, «Mikrokreditbank», «OFB» ва «Xalq banki» 26,8 фоиз, «Kapital bank», «Asaka bank» ва «Poytaxt bank» 27,0 фоиз, «SQB» 27,5 фоиз ставкада микроқарз таклиф қилмоқда.

Юқори сегментда «Turon bank» 28,7 фоиз, «Garant bank» 28,8 фоиз, «Hamkorbank» 30,1 фоиз ва «Apex bank» 30,8 фоиз ставка таклиф қилмоқда.

Энг юқори ставкалар «Ipak yuli bank»да 33,1 фоиз, «Ipoteka bank»да 33,7 фоиз, «Davr bank»да 34,5 фоиз, «TBC bank»да 35,4 фоиз, «Tenge bank»да 35,5 фоиз, «Uzum bank»да 38,0 фоиз, «AVO bank»да 39,9 фоиз ва «Anor bank»да 41,1 фоиз билан қайд этилди.

Автокредитлар

Автокредитлар бўйича энг паст ставка 18,7 фоиз билан «Aloqabank»да қайд этилди. Кейинги ўринларда «Ipoteka bank» — 19,9 фоиз, «Milliy bank» — 21,0 фоиз, «Apex bank» — 21,2 фоиз ҳамда «Ipak yuli bank» ва «SQB» — 21,4 фоиз ставка билан жойлашди.

Шунингдек, «Infinbank» ва «Asaka bank» 22,2 фоиз, «Turon bank» ва «OFB» 22,3 фоиз, «Davr bank» 22,6 фоиз, «Mikrokreditbank» ва «TBC bank» 22,8 фоиз, «Garant bank» 23,2 фоиз ҳамда «Asia Alliance bank» 23,7 фоиз ставкада автокредит ажратмоқда.

Юқори сегментда «Trastbank» 24,1 фоиз, «Agrobank» 24,3 фоиз ҳамда «Hamkorbank» 26,6 фоиз ставка таклиф қилмоқда. Ҳозирги маълумотларга кўра, автокредитлар бўйича энг юқори ставка «Hamkorbank»да қайд этилган.