Миграция агентлигига янги раҳбар тайинланди

Кеча 22:161 дақиқа

Ўзбекистоннинг Япониядаги элчиси сифатида ишлаб келган Муҳсинхўжа Абдураҳмонов агентликнинг янги раҳбари бўлди.

Миграция агентлигига янги раҳбар тайинланди

Бугун, 3 сентябр куни Ўзбекистон Президентининг тегишли қарори билан Мухсинхўжа Турсунхўжаевич Абдураҳмонов Ўзбекистон Республикаси Вазирлар Маҳкамаси ҳузуридаги Миграция агентлиги директори лавозимига тайинланди.

52 ёшли Мухсинхўжа Турсунхўжаевич Абдураҳмонов 1996 йилда Тошкент давлат иқтисодиёт университетини тамомлаган, шунингдек, АҚШнинг Калифорния давлат университети ҳамда Ўзбекистон Президенти ҳузуридаги Давлат ва жамият қурилиши академиясида таҳсил олган. Кейинчалик у таълимини Японияда давом эттириб, Отару тижорат университети магистратураси ва Хоккайдо университети докторантурасини ўтаган.

Меҳнат фаолиятининг дастлабки йилларида Хоккайдо университетида илмий тадқиқотчи, «Coca-Cola Uzbekistan LLC» компаниясида менежер ва 2008–2017 йилларда Япониянинг «MTRUST» компаниясида бош директор вазифаларида ишлаган.

Унинг давлат бошқаруви тизимидаги фаолияти 2018 йилдан бошланган бўлиб, 2021 йилга қадар Фарғона вилояти ҳокимининг инвестициялар ва ташқи савдо масалалари бўйича ўринбосари сифатида ишлаган.

Ушбу лавозимдан сўнг қисқа муддат Ўзбекистон Ташқи ишлар вазирлигининг инвестициялар бўйича бошқармаси бошлиғи бўлган. Миграция агентлиги раҳбарлигига тайинлангунига қадар эса, яъни 2021 йилнинг июл ойидан буён Мухсинхўжа Абдураҳмонов Ўзбекистоннинг Япониядаги элчиси лавозимида фаолият юритиб келаётган эди.

Эслатиб ўтамиз, бугун Беҳзод Мусаев бошқа ишга ўтиши муносабати билан Вазирлар Маҳкамаси ҳузуридаги Миграция агентлиги директори лавозимидан озод этилган эди.

Теглар

раҳбар Миграция агентлиги Ўзбекистон

Мавзуга оид

Кеча 19:40

Россияликлар Ўзбекистонга оммавий равишда чипта сотиб олмоқда

Россияда кузги мавсумда чипта харидлари ўсиши бўйича Ўзбекистон биринчи ўринга чиқди. Ундан кейин ўринларда Туркия, Озарбайжон, Арманистон ва Грузия қайд этилди.

Кеча 19:20

Ҳиндистон фуқаролари 8 давлат визаси билан Ўзбекистонга визасиз кира олади

1-сентябрдан Ҳиндистон фуқаролари Австралия, АҚШ, Буюк Британия, Канада, Жанубий Корея, Шенген давлатлари, Янги Зеландия ёки Япониянинг кўп марталик бизнес ёки туризм визасига эга бўлса, Ўзбекистонга 30 кунгача визасиз кириши мумкин.

Кеча 20:40

«Ҳатто Хитой етолмаган тезлик» — Ўзбекистоннинг 300 млрд долларлик марраси қанчалик реал?

2030 йилгача ЯИМни 300 миллиард долларга етказиш: бу реал иқтисодий ҳисоб-китобми ёки ҳатто Хитой ҳам эриша олмаган ҳаддан ташқари амбицияли маррами? Сўнгги уч йилда мақсадлар нега бунчалик тез ўзгарди ва бу рақамлар ортида айнан қандай омиллар ётибди? «Fikr vaqti»да иқтисодчи Баҳромбек Умарбеков билан Ўзбекистон иқтисодиётининг янги марраси ва унинг реал асосларини таҳлил қиламиз.

Кеча 17:44

Микромолия ташкилотларда муаммоли кредитлар қиймати 500 млрд сўмга яқинлашди

Ўзбекистондаги 138 та микромолия ташкилотининг жами активлари бир йил ичида 18,9 трлн сўмгача ошди. 17,4 трлн сўмлик кредит қолдиғида NPL улуши 2,6 фоизни ташкил қилмоқда.

Кеча 12:53

Президент банкирлар ва ҳоким ёрдамчиларини танқид қилди

Уларнинг аксарияти кимга кредит кераклиги, қайси лойиҳани лизинг, факторинг, кафолат, суғурта, айланма маблағ ёки шартнома асосида молиялаштириш мумкинлигини тушунмаслиги айтилди.

Кеча 13:25

Ўзбекистонда ҳисобда бўлмаган 985 минг гектар ер аниқланди

Қишлоқ хўжалигини рўйхатга олиш натижасида ҳисобда акс этмаган 985,5 минг гектар ернинг чегараси ва тоифаси аниқлаштирилди. Шундан 789,5 минг гектари экин ерлари, 14,1 минг гектари иссиқхоналар, 75,3 минг гектари боғлар, 21,4 минг гектари токзорлар ва 85 минг гектари балиқчилик ҳавзаларига тўғри келади.