Расман: Ғофуржон Мирзаев Ўзбекистон маҳаллалари уюшмаси раиси лавозимига тайинланди

Бугун 11:221 дақиқа

Шу муносабат билан президентнинг кадрлар бўйича маслаҳатчиси лавозимидан озод этилди.

Расман: Ғофуржон Мирзаев Ўзбекистон маҳаллалари уюшмаси раиси лавозимига тайинланди

Ғофуржон Ғаниевич Мирзаев бош вазир ўринбосари — Ўзбекистон маҳаллалари уюшмаси раиси лавозимига тайинланди. Бу ҳақда президент матбуот хизмати хабар берди.

Ғофуржон Мирзаев номзоди Олий Мажлис Қонунчилик палатаси депутатлари томонидан маъқулланган.

Мирзаев ушбу лавозимда Қаҳрамон Қуронбоев ўрнини эгаллади. Қуронбоев уюшма раиси лавозимини 2024 йил январидан буён эгаллаб келаётган эди.

Маълумот учун, Ғофуржон Мирзаев 1964 йил 21 апрелда Фарғона вилоятида туғилган. У 1990 йилда Тошкент политехника институтини муҳандис-электрик мутахассислиги бўйича тамомлаган. 2000 йилда Тошкент давлат иқтисодиёт университетининг сиртқи бўлимида иқтисодчи мутахассислигини олган.

Мирзаев 2016 йилда Сирдарё вилояти ҳокими лавозимига киришган ва 2020 йилда ушбу лавозимга қайта тасдиқланган. 2022 йилда эса президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси этиб тайинланган эди.

Теглар

ёмғир Тошкент Ўзбекистон чанг-тўзон шамол об-ҳаво

Мавзуга оид

03.09.2026 | 15:25

Энг намунали ҳоким ёрдамчиларига 50 фоизгача устама тўланади

Оғир маҳаллаларда иш ўрни яратишга қаратилган маҳаллий маблағларга республикадан 2-3 карра кўп ресурс қўшиб берилади. Йил якунида ҳар бир тумандан энг яхши икки ҳоким ёрдамчиси Хитой, Япония ва Туркияда малака оширади. Маҳалла банкирлари ҳам шу тартибда ўқитилади ва хорижга стажировкага юборилади.

04.09.2026 | 14:02

Тошкентдаги портлашнинг сабаби очиқланди

«Ҳудудгаз Пойтахт» берган маълумот ҳақиқатга зид экани маълум бўлди.

03.09.2026 | 13:10

Туманларда бир кишини камбағалликдан чиқаришга қанча пул сарфлангани айтилди

Банкдан кредит олиб, бизнесини юргиза олмаган 62 киши кредитни қайтаришга қийналяпти. Давлат раҳбарининг айтишича, бунинг сабаби атиги мингта маҳалладаги ҳоким ёрдамчиси ва маҳалла банкири «лойиҳавий ёндашув» асосида ишлашни билади.

03.09.2026 | 14:48

Эҳтиёжманд аҳолини «Ижтимоий реестр»га киритиш тизими қайта кўриб чиқилади

Келаси йилдан реестрга кирган оила фарзандларининг давлат ва хусусий боғча бадали, ўқув маркази тўлови, йўлкираси ҳамда олийгоҳдаги ётоқхона харажати ваучер орқали қоплаб берилади.

Кеча 16:35

Ҳафта бошида ёмғир ёғадими?

Ҳаво бироз булутли бўлади, баъзи жойларда ўзгариб туради. Ҳарорат кундузи +30 даражадан юқори, кечаси +20 даражадан паст бўлади.

04.09.2026 | 08:00