Suv omborlari atrofida turizm xizmatlarini tashkil etgan tadbirkorlarga imtiyozlar beriladi

Бугун 15:122 дақиқа

Imtiyozlar qatorida ularga bir nechta majburiy talablar ham qo‘yiladi.

Suv omborlari atrofida turizm xizmatlarini tashkil etgan tadbirkorlarga imtiyozlar beriladi

Suv omborlari va ularga tutash hududlarda turizm xizmatlarini tashkil etgan tadbirkorlarga imtiyozlar beriladi. Bu bo‘yicha 27-oktabr kuni prezident qarori imzolandi.

Qarorga ko‘ra, suv omborlari va ularga tutash hududlarda turizm xizmatlarini tashkil etgan tadbirkorlarga 2029-yil 1-oktabrga qadar bir nechta imtiyozlar beriladi. Ya’ni yuridik shaxslar uchun yer solig‘i va mol-mulk solig‘i stavkalari belgilangan stavkalarning 50 foizi miqdorida qo‘llanadi.

Suvda foydalanishga mo‘ljallangan GPS qurilmalari, qutqaruv va xavfsizlik anjomlari, zamonaviy sanitariya-gigiyena shoxobchalarini O‘zbekiston hududiga olib kirishda bojxona to‘lovlarini 120 kun muddatga kechiktirib yoki bo‘lib-bo‘lib to‘lashga ruxsat etiladi.

Suv omborlari va ularga tutash hududlarda tashkil etilgan turizm obyektlarida faoliyat olib boruvchi tadbirkorlar tashrif buyuruvchilarning xavfsizligini ta’minlash, ularning sog‘lig‘ini muhofaza qilish, favqulodda vaziyatlarning oldini olish maqsadida turizm obyektlarini xavfsizlik vositalari bilan jihozlashi lozim.

Shuningdek, favqulodda vaziyatlarda zudlik bilan qutqaruv ishlarini amalga oshirish maqsadida qutqaruv xizmati tashkil etilishi yoki shartnoma asosida professional qutqaruv tuzilmalari bilan navbatchilik xizmati yo‘lga qo‘yilishi, kichik hajmli kemalar va ular turadigan inshootlar (bazalar)dan xavfsiz foydalanish bo‘yicha qonunchilik hujjatlarida belgilangan talablarga rioya etilishi shart.

Bundan tashqari, tadbirkorlar tomonidan suvni muhofaza qilish zonalari va sohilbo‘yi mintaqalari uchun belgilangan talablarga rioya qilish, oqova suvlarning suv obyektlariga tashlanishiga yo‘l qo‘ymaslik maqsadida ichki kanalizatsiya tarmoqlari hamda lokal oqova suvlarni tozalash inshootlari bilan ta’minlanishi, turizm obyektlarida hosil bo‘ladigan maishiy chiqindilar belgilangan tartibda utilizatsiya qilinishi majburiy hisoblanadi.

Eslatib o‘tamiz, avvalroq chet elda o‘zbek restorani ochgan tadbirkorlarga xarajatlarining yarmi qaytarilishi haqida yozgan edik.

Теглар

turizm soliq imtiyozlari investitsiya biznes bojxona tadbirkorlar suv omborlari

Мавзуга оид

Кеча 21:05

Bank sohasida 11,3 mln, ta’lim va tibbiyotda 3,2 mln so‘m: O‘zbekistonda o‘rtacha ish haqi e’lon qilindi

Hududlar kesimida eng yuqori o‘rtacha maosh Toshkent shahrida (12 million 300,8 ming so‘m), eng past ko‘rsatkich esa Qashqadaryo viloyatida (4 million 969,7 ming so‘m) qayd etildi.

Бугун 12:25

Uzcard va Humo kartalarini ham tez orada Apple Pay xizmatiga ulash imkoniyati yaratiladi

Mamlakatda xalqaro raqamli to‘lov tizimi faoliyati yo‘lga qo‘yilgani munosabati bilan milliy to‘lov tizimlari foydalanuvchilari uchun ham yangi qulayliklar taqdim etilishi kutilmoqda.

Кеча 19:23

Toshkent havosi nega aynan kuz-qish mavsumida ko‘proq ifloslanadi?

Iqlim o‘zgarishi bo‘yicha mutaxassislar poytaxtdagi havo sifati birgina omilga bog‘liq emasligini aytdi.

Кеча 23:33

Islomiy moliyani kengaytirish rejalari, yangi alifboning bank shartnomalariga ta’siri va kripto-do‘kon litsenziyasi — 27-oktabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Кеча 19:22

Prezident Olimpiadasi g‘oliblariga 25 mln so‘mgacha mukofot beriladi, rekordchilar esa OTMga imtihonsiz kiradi

Shavkat Mirziyoyevga ko‘ra, Prezident Olimpiadasida mamlakat rekordini yangilagan maktab bitiruvchilari oliygohlarga imtihonsiz davlat granti asosida o‘qishga qabul qilinadi, g‘oliblarga esa bir yillik stipendiya tayinlanib, ularning 50 nafari har yili xorijdagi xalqaro yig‘inlarga yuboriladi.

Кеча 17:05