Tadbirkordan 63 ming dollar talab qilgan mansabdor ushlandi

Бугун 14:401 дақиқа

Toshkent viloyatida tuman FVB boshlig‘i tadbirkordan jami 63 ming dollar talab qilib, undan 25 mingini olayotganda ushlangan.

Tadbirkordan 63 ming dollar talab qilgan mansabdor ushlandi

Toshkent viloyati tumanlaridan birining Favqulodda vaziyatlar bo‘limi rahbari tadbirkordan pora talab qilgani aniqlandi. Bu haqda Davlat xavfsizlik xizmati xabar berdi.

Mansabdor MCHJ rahbariga tuman hududidan oqib o‘tuvchi uchta soy qirg‘oqlarini mustahkamlash va beton plitali yo‘l o‘tkazgichlar qurish bo‘yicha 5,04 mlrd so‘mlik shartnomani go‘yoki vazirlikdagi hamkasblari orqali olib berganini ro‘kach qilgan.

Shu sababli undan 63 ming dollar miqdorida ulush talab qilgan va mart-aprel oylarida puldan 24 ming dollarini olgan.

Tezkor tadbir

FVB rahbari tadbirkordan qolgan 39 ming dollarini ham berishini so‘ragan. O‘tkazilgan tezkor tadbirda u puldan 25 ming dollarini «Tracker» xizmat avtomashinasida olgan vaqtida ashyoviy dalillar bilan ushlangan.

Hozirda unga nisbatan jinoyat ishi qo‘zg‘atilib, qamoq ehtiyot chorasi qo‘llangan.

Теглар

korrupsiya pora DXX FVB

Мавзуга оид

Кеча 15:36

Yonilg‘i quyish shoxobchalarida naqdsiz tushumlar hajmi ma’lum qilindi

1–22-aprel kunlari O‘zbekistonda AYQSH tushumlari sezilarli darajada oshdi, to‘lovlarning asosiy qismi bank kartalari orqali amalga oshirilmoqda.

23.04.2026 | 09:34

Qurilish va uy-joy kommunal xo‘jaligi bosh mutaxassislari pora bilan qo‘lga tushdi

Namangan viloyatida noturar bino uchun qurilish ruxsatnomasini olib berish evaziga 22 ming dollar talab qilgan mansabdorlar qo‘lga tushdi.

24.04.2026 | 19:50

Rossiyaliklarning deyarli chorak qismi Putinga ishonmaydi — VSIOM

Bu Rossiya-Ukraina urushi boshlanganidan beri eng yuqori ko‘rsatkichdir.

Кеча 16:25

Norvegiya bolalar uchun ijtimoiy tarmoqlarga yosh cheklovi joriy qiladi

Norvegiya hukumati 2026 yilgacha bolalarning ijtimoiy tarmoqlardan foydalanishiga yosh cheklovi joriy qilish bo‘yicha qonun loyihasini parlamentga kiritadi.

Кеча 17:25

Andijonda «Haj» ziyoratiga noqonuniy yubormoqchi bo‘lgan shaxs ushlandi

Andijon viloyatida fuqarolarni «Haj» ziyoratiga yuborishni va’da qilib, 9 ming dollar pul olgan shaxs tezkor tadbir davomida qo‘lga olindi.

Кеча 11:55

Toshkentda muhandislar 8 ming dollar pora bilan qo‘lga tushdi

Toshkent shahrida elektr tarmoqlari korxonasining ikki nafar muhandisi 400 mln so‘mlik jarimani 65 mln so‘mga tushirib berish evaziga pora talab qilgani uchun qo‘lga olindi. Ular tushirib berishni va’da qilgan.