Туркияда кўп олтин топилди

05.11.2025 | 20:3510941

Сивасдаги коннинг потенциал олтин захиралари 424 минг унция деб баҳоланди.

Туркиянинг Сивас вилояти Қангал туманида жойлашган Алажахон қишлоғи яқинида йирик олтин кони топилди. Эрдемир металлургия гигантининг шўба корхонаси бўлган Эрмаден компанияси ўтказган геологик қидирувлар натижасида 14,9 миллион тонна рудада 424 минг унция олтин мавжудлиги аниқланди.

Маълумотларга кўра, рудадаги олтиннинг ўртача концентрацияси ҳар бир тоннага 0,89 граммни ташкил этади. Лойиҳа 5804 гектар майдонни қамраб олган бўлиб, бугунгача 45 гектар ерда 96 минг метр чуқурликда 360 та қудуқ қазилган. Анқарадаги Bureau Veritas халқаро лабораториясида 96 мингдан ортиқ намуна таҳлил қилинган.

Ermaden компанияси ҳозирда ўрганилган ҳудудда қўшимча бурғулаш ишларини давом эттирмоқда ва янги қидирув босқичини режалаштирмоқда. Тадқиқотлар якунланганидан сўнг, компания захираларни аниқлаш ва техник-иқтисодий асослашни амалга оширишни режалаштирган.

ОЯК бош директори ва Эрдемир директорлар кенгаши раиси Мурат Ялчинташнинг таъкидлашича, бу кашфиёт Туркиянинг ер ости ресурсларини иқтисодий фойда келтирадиган активларга айлантириш стратегиясининг муҳим босқичидир. Унинг сўзларига кўра, компания барқарор ёндашув орқали табиий бойликларни самарали ишга солишни мақсад қилган.

Айни пайтда жаҳон бозорларида олтин нархи йиллик ҳисобда 40 фоизга ошган. Учинчи чоракда бир троя унцияси учун ўртача нарх 3456 долларни ташкил этди. Бу ўсишга долларнинг мустаҳкамланиши ва АҚШ Федерал захира тизими фоиз ставкалари бўйича ноаниқликлар таъсир кўрсатган.

Теглар

Туркия олтин кони Сивас Эрмаден Мурат Ялчинташ

Мавзуга оид

11.11.2025 | 20:15

Саудия нефти Россия нефтини сиқиб чиқармоқда

Ҳиндистон нефтни қайта ишлаш заводлари Яқин Шарқдаги йирик нефт ишлаб чиқарувчи давлатлар билан Россия нефтини алмаштириш бўйича музокараларни бошлади.

Бугун 11:25

Ўзбекистон ва Қозоғистон етакчилари стратегик ҳамкорликни кучайтирмоқда

15 ноябр куни Кўксарой қароргоҳида Шавкат Мирзиёев ва Қосим-Жўмарт Тўқаев ўртасида тор доирадаги музокаралар бўлиб ўтди.

09.11.2025 | 16:24

Бразилиянинг жанубидаги торнадо оқибатида 6 киши ҳалок бўлди

Шунингдек, содир бўлган кучли торнадо оқибатида юзлаб одамлар жароҳат олди ва мингга яқин аҳоли эвакуация қилинди.

Кеча 21:35

Қозоғистон суюлтирилган газ экспортига қўйилган чекловни узайтирди

Истиснолар ер қаъридан фойдаланувчилар, Қорачағаноқ, транзит ва гуманитар ёрдам учун белгиланган.

10.11.2025 | 08:38

Россияда ҳар бир фуқарога бериладиган банк карталари сони чекланиши мумкин

Давлат Думаси жисмоний шахс учун жами 20 та, битта банкдан эса 5 тадан ортиқ карта очишни тақиқловчи қонунни йил охиригача қабул қилмоқчи.

10.11.2025 | 10:11

Трамп ҳар бир америкаликка 2000 доллардан тўлашни ваъда қилди

АҚШ президенти Доналд Трамп ташқи савдо божлари оширилиши ортидан йиғилган маблағлардан фуқароларга камида 2000 доллардан дивиденд тўлаш режасини эълон қилди.