Serbiya O‘zbekistonda elchixona ochishni rejalashtirmoqda

Bugun 21:082 daqiqa

Hozirda O‘zbekiston fuqarolari uchun Serbiya vizasini rasmiylashtirish jarayonlari Ostona shahri orqali amalga oshirilmoqda.

Serbiya O‘zbekistonda elchixona ochishni rejalashtirmoqda

Serbiyaning Mehnat, bandlik, faxriylar va ijtimoiy siyosat vaziri Militsa Stamenkovski O‘zbekiston Migratsiya agentligi direktori Muxsinxo‘ja Abdurahmonov bilan uchrashuvda mamlakatning Toshkentda elchixona ochish rejasini ma’lum qildi. Bu haqda Migratsiya agentligi matbuot xizmati xabar berdi.

Hozirda O‘zbekiston fuqarolari uchun Serbiya vizasini rasmiylashtirish jarayoni Qozog‘istonning Ostona shahri orqali amalga oshirilmoqda.

Viza rasmiylashtirish jarayoni soddalashadi

Serbiya elchixonasining Toshkentda ochilishi o‘zbekistonliklar uchun vizani rasmiylashtirish jarayonini soddalashtirishi kutilmoqda.

Bu yangilik, avvalo, Serbiyaga ishlash uchun boradigan o‘zbekistonliklar uchun ahamiyatli bo‘lishi mumkin.

Mazkur kelishuv ratifikatsiya qilingach, O‘zbekiston Migratsiya agentligi va Serbiya Milliy bandlik xizmati o‘rtasida mehnat migratsiyasi va ishchi kuchi mobilligi bo‘yicha alohida bayonnoma imzolanishi rejalashtirilmoqda.

Serbiya o‘zbekistonlik mutaxassislarga qiziqmoqda

Muzokaralarda Serbiyaning 2027 yilda Belgradda o‘tkaziladigan «EXPO 2027» xalqaro ko‘rgazmasi obyektlari qurilishiga o‘zbekistonlik malakali mutaxassislarni jalb qilishdan manfaatdor ekani ham ma’lum qilindi.

Tomonlar bunday kadrlarni oldindan tayyorlash va munosib mehnat sharoitlariga ega ish o‘rinlariga yo‘naltirish masalalarini muhokama qilgan.

Munosabatlarda yangi bosqich

Serbiyaning Toshkentda elchixona ochish rejasi O‘zbekiston va Serbiya o‘rtasidagi aloqalar jadallashayotgan davrga to‘g‘ri kelmoqda.

7–8-sentabr kunlari Prezident Shavkat Mirziyoyev Serbiyada rasmiy tashrif bilan bo‘ldi. Tashrif doirasida ikki davlat o‘rtasida strategik sheriklik munosabatlarini o‘rnatish to‘g‘risida qo‘shma deklaratsiya imzolandi. Tomonlar mehnat mobilligi va migratsiyasi, hududlararo hamkorlik hamda boshqa yo‘nalishlarda qator hujjatlarni qabul qildi.

Serbiya TIV elchixonaning ochilishi ikki davlat munosabatlarini yanada rivojlantirishga qo‘shimcha turtki berishini bildirgan.

Hozircha elchixona qachon rasman ish boshlashi va uning aniq manzili bo‘yicha ma’lumot berilmagan.

Teglar

Shavkat Mirziyoyev viza migratsiya Serbiya mehnat migratsiyasi elchixona Belgrad diplomatik aloqalar Aleksandr Vuchich O‘zbekiston Toshkent EXPO 2027

Mavzuga oid

Bugun 10:16

O‘zbekistonning qo‘shnilari bilan savdosi qanday o‘zgardi?

O‘zbekistonning yetti oylik tashqi savdosi 49,5 mlrd dollarga yetdi. Shundan 5,4 mlrd dollarlik savdo Markaziy Osiyodagi to‘rt qo‘shni davlatga to‘g‘ri kelgan. Ular orasida Qozog‘iston O‘zbekistonning eng yirik savdo hamkori bo‘lib, mintaqadagi savdoning 61 foizini tashkil etgan.

Kecha 17:35

O‘zbekiston va Serbiya yangi qo‘shma loyihalarni amalga oshiradi

Shavkat Mirziyoyev va Aleksandr Vuchich Belgradda savdo, investitsiya, sanoat va mehnat migratsiyasi bo‘yicha kelishuvlarni muhokama qildi.

Kecha 20:16

Tabiiy fanlarda 83 ball ko‘tarilish, Prezident maktablari ishtiroki va e’lon qilinmagan ikki natija — O‘zbekistonning ta’limdagi ko‘rsatkichlari qanday?

PISA-2025 reytingida O‘zbekistonning tabiiy fanlar bo‘yicha natijasi 83 ballga oshib, mamlakat 48-o‘ringa ko‘tarildi. Biroq matematika va o‘qish bo‘yicha natijalar e’lon qilinmagan, ta’limdagi tabaqalashuv va Prezident maktablarining reyting natijalariga ta’siri yuzasidan ham savollar ochiq qolmoqda.

Bugun 08:30

«Ikkinchi AES Xitoy bilan quriladi»: Vuchich hali O‘zbekiston hukumati e’lon qilmagan rejalarni ochiqladi

Shavkat Mirziyoyev Serbiya prezidenti bilan suhbatda O‘zbekistonga kelgusida yanada ko‘proq elektr energiyasi kerak bo‘lishini aytgan.

Bugun 09:00

Humo Air davlatga qaytarilib, yana xususiylashtiriladi

Humo Air bilan tuzilgan xususiylashtirish shartnomasi bekor qilingan va yaqin kunlarda aviakompaniyaning 100 foiz ulushi davlat tasarrufiga qaytariladi. Shundan so‘ng u ommaviy savdolarga chiqariladi.

Kecha 22:10

Dollar bilan endi nima bo‘ladi?

Dollar kursi 9-sentabr uchun 23,88 so‘mga ko‘tarilib, 11 813,21 so‘m qilib belgilandi. Biroq u hamon 2023-yil avgustidan beri eng past daraja atrofida yuribdi. Bu dollar «sindi» yoki endi doimiy arzonlashadi, degani emas.