26 июн куни айрим ҳудудларда чанг-тўзон кузатилиши мумкин

Тошкент шаҳрида кундузги ҳарорат +31...+33 атрофида бўлиб, шамол 10-12 м/с тезликда шамоллайди. Ҳаво биroz булутли, лекин ёмғир кутилмайди. Айрим жойларда чанг-тўзон кузатилиши эҳтимоли бор. Қорақалпоғистон Республикаси ва Хоразм вилоятида ҳам ҳаво қуруқ ва бир маромда бўлиб, ҳарорат кундузи +28...+33 даражани ташкил этади. Бухоро, Навоий, Тошкент, Сирдарё, Жиззах ва Самарқанд вилоятларида шамол сониясига 13-18 метргача кучайиши, айрим ҳолларда чанг-тўзон билан бирга келиши мумкин. Кундузи ҳарорат +30...+35 даражада бўлади. Қашқадарё ва Сурхондарёда эса шамол айрим ҳудудларда сониясига 22 метргача етиши мумкин. Ҳарорат  кундузи +34...+39 даража атрофида бўлади. Андижон, Наманган ва Фарғона вилоятларида ҳам шамол кучайиши, чанг-тўзон кузатилиши мумкин. Ҳарорат +30...+35 даражада сақланади. Тоғолди ва тоғли ҳудудларда қисқа муддатли ёмғир ва момақалдироқ эҳтимоли бор. Ҳарорат кундузи +21...+26, кечаси эса +12...+17 даража бўлиши кутилмоқда.