Бухоро нефтни қайта ишлаш заводининг модернизация қилишга 328 млн доллар йўналтирилади

Бугун 10:212 дақиқа

Лойиҳа доирасида заводнинг йиллик қайта ишлаш қуввати икки бараварга оширилиб, 5 млн тоннага етказилади. Шунингдек, Евро-5 стандартларига жавоб берадиган АИ-92 ва АИ-95 русумли бензин ишлаб чиқариш ҳажмини кўпайтириш режалаштирилган.

Бухоро нефтни қайта ишлаш заводининг модернизация қилишга 328 млн доллар йўналтирилади

Бухоро вилоятидаги нефтни қайта ишлаш заводида ишлаб чиқариш ҳажмини ошириш ва юқори сифатли ёнилғи маҳсулотлари улушини кўпайтириш режалаштирилмоқда. Президент Шавкат Мирзиёев Қоровулбозор туманига борганида шу лойиҳа тақдимоти билан танишди.

Модернизация натижасида корхонанинг йиллик қайта ишлаш қувватига қўшимча 2,5 млн тонна қўшилади. Шу билан бирга, хомашёдан кўпроқ тайёр маҳсулот олиш учун уни қайта ишлашнинг айрим босқичлари янгиланади.

Хусусан, заводда янги гидротозалаш ва изомеризация қурилмаларини ишга тушириш режалаштирилган. Улар ёнилғи таркибидаги зарарли аралашмаларни камайтириш ва бензиннинг октан сонини оширишга хизмат қилади. Бу эса Евро-5 талабларига мос АИ-92 ва АИ-95 бензин ишлаб чиқаришни кенгайтириш имконини беради.

Корхонанинг амалдаги ишлаб чиқариш кўрсаткичларига кўра, 2026-йилнинг дастлабки тўққиз ойида 1,36 млн тонна нефт маҳсулотлари тайёрланган. Уларнинг қиймати 12,1 трлн сўмга тенг бўлган.

Шу даврда маҳсулот ва хизматлар экспортидан 99,5 млн доллар тушум қайд этилган. Йил охиригача экспорт ҳажмини 116 млн долларга етказиш мўлжалланган. Заводда айни пайтда 3,2 минг нафардан зиёд ходим ишламоқда.

Лойиҳа амалга оширилиши ҳисобига ички бозорни ёнилғи билан таъминлаш ва маҳсулот экспортини кенгайтириш имкониятлари ортиши кутилмоқда.

^{Фото: Президент матбуот хизмати}

Президент ташриф давомида янги ускуналарни мавжуд ишлаб чиқариш жараёнларига мос равишда ўрнатиш, модернизацияни ўз вақтида якунлаш ва корхона фаолиятининг узлуксизлигини таъминлаш юзасидан кўрсатмалар берди.

Эслатиб ўтамиз, президент Шавкат Мирзиёев Бухорога ташрифи чоғида умумий қиймати 7,8 млрд долларлик 145 та лойиҳани ишга тушириш ва қурилишига старт берганди.

Теглар

нефт Бухоро бензин модернизация Шавкат Мирзиёев

Мавзуга оид

Кеча 17:13

Бухородаги туризм маркази битса, маҳаллий бюджетга тушадиган йиллик тушум қанча бўлиши айтилди

Мажмуа 50 гектар майдонда барпо этилмоқда. Лойиҳага жами 105 млн доллар инвестиция йўналтирилиши режалаштирилган. Ҳудудда 70 дан ортиқ савдо ва хизмат кўрсатиш шохобчаси барпо этилади. Бухородаги қиймати 136 млн доллардан ортиқ объектлар халқаро тадбирларни ўтказиш ва туристик хизматларни ривожлантириш имкониятини кенгайтиради.

Кеча 19:50

Айрим микромолия ташкилотларида кредитларнинг 69 фоизи муаммоли — Марказий банк

Ўзбекистонда микромолия ташкилотларининг жами кредит қолдиғи бир ойда 18,64 трлн сўмдан 20,1 трлн сўмга етди. Шу даврда муаммоли кредитлар улуши 2,7 фоизга ошган. Аммо айрим ташкилотларда бу кўрсаткич 69 фоизгача етган.

Кеча 23:00

Аҳолини хавотирга солаётган нархлар, икки карра ўсган иқтисодиёт ва банклар учун янги рейтинг — 3 ноябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 21:26

«Хавфсиз талаба» можароси ортдан Жаҳон тиллари университети декани лавозимидан озод этилди

Ҳолат юзасидан Таълим ва илм-фан вазирлиги ишчи гуруҳ тузиб, ўрганиш ишларини бошлаган.

Кеча 21:13

Каннаваро кетадими? ЎФА расмий муносабат билдирди

Таъкидланишича, мураббий билан шартнома шартлари ўзгаришсиз қолмоқда.

Кеча 18:20

Бухородаги 7,8 млрд долларлик 145 та лойиҳа: айримлари ишга тушди, қолганларининг қурилиши бошланди

Лойиҳаларнинг амалга оширилиши натижасида 14 мингдан ортиқ иш ўрни яратилиши, йилига 22 трлн сўмлик маҳсулот ишлаб чиқарилиши ва 510 млн долларлик экспорт имконияти пайдо бўлиши кутилмоқда.