Дам олиш кунлари шамол кучайиб, чанг-тўзон кузатилади

Дам олиш кунлари мамлакат бўйлаб об-ҳаво ўзгарувчан бўлиши кутилмоқда, деб хабар берди «Ўзгидромет». 3 октябр куни республика ҳудудининг катта қисмида ёмғир кутилмайди, фақат Фарғона водийси вилоятларида айрим жойларда қисқа муддатли ёмғир ёғиши мумкин. Тоғли ҳудудларда ҳам қисқа давом этадиган ёмғир эҳтимоли бор. Ҳарорат +18...+23 даража, жанубий ҳудудларда эса +25...+27 даража атрофида бўлади. 4–5 октябр кунлари республика бўйича асосан қуёшли ва қуруқ об-ҳаво сақланади. Кундузги ҳарорат +20...+25 даражани ташкил қилади. Фақат айрим тоғли ҳудудларда ёмғир ёғиши мумкин. 3 октябр кундузи чўл ҳудудларда, 4–5 октябрда эса шимолий ва чўл ҳудудларда шамол тезлиги секундига 13–18 метргача кучайиши кутилмоқда. Айрим жойларда шамол чанг-тўзон билан кечиши мумкин. Тошкент шаҳрида об-ҳаво бироз булутли бўлиб, ёмғир кутилмайди. Шамол шарқдан секундига 3–8 метр тезликда эсади. 3 октябрда ҳарорат +20...+22 даража бўлса, 4 октябрда кундузи +23...+25 даража, кечаси +10...+12 даража атрофида бўлади. 5 октябрда эса кундузи +21...+23 даража, кечаси +10...+12 даража бўлиши кутилмоқда.