Криштиану Роналду Оқ уйга боради

Бугун 21:353611

у АҚШ президенти Доналд Трамп билан Оқ уйда учрашади.

АҚШ президенти Доналд Трамп Оқ уйда Португалия терма жамоаси ва Саудия Арабистонининг «Ан-Наср» футбол клуби ҳужумчиси Криштиану Роналдуни қабул қилади. Испаниянинг Mundo Deportivo нашри хабарига кўра, учрашув 18 ноябр куни бўлиб ўтади.

Манбага кўра, Роналду аввалроқ америкалик етакчи билан кўришиш истагини билдирган ва Трамп ҳам бунга розилик қайтарган. Мулоқот АҚШ, Канада ва Мексика илк бор 48 жамоа иштирокида ўтказадиган жаҳон чемпионатига тайёргарлик жараёнлари шафелигида ўтмоқда. Португалия терма жамоаси мусобақага йўлланмани қўлга киритгани учун Роналду келаси ёздаги турнирга асосий етакчилардан бири сифатида боради.

Футболчи охирги ўн йилликда АҚШга бормаган. Бунга 2009 йилда Лас-Вегасда содир этилган зўрлаш айблови юзасидан мамлакатда очилган жараёнлар сабаб бўлган эди. 2019 йилда прокуратура айбловларни асоссиз деб топди, 2023 йилда эса суд Роналдуни иккинчи даъво бўйича ҳам оқлади. Шунинг учун у мамлакатга қайтишини аниқ бир вазиятга боғлаб келаётганди.

40 ёшли Криштиану Роналду беш карра «Олтин тўп» соҳиби ҳисобланади ва расмий статистикада жаҳон футболи тарихида энг кўп гол урган ўйинчи сифатида эътироф этилган. У Европанинг энг нуфузли клублари — «Спортинг», «Манчестер Юнайтед», «Реал Мадрид» ва «Ювентус» таркибларида ўйнаб, улкан ютуқларга эришган. 2016 йилда Португалия билан Европа чемпиони аталган Роналду ўтган ҳафта бўлажак жаҳон чемпионати унинг карерасидаги сўнггиси бўлишини маълум қилди.

Теглар

Доналд Трамп ЖЧ-2026 Оқ уй Криштиану Роналду Португалия терма жамоаси

Мавзуга оид

13.11.2025 | 20:35

Трамп Нетаняҳуни афв этишини сўраб Ҳерцогга мактуб йўллади

Нетаняҳуга расман порахўрлик, фирибгарлик ва ишончни суиистеъмол қилишда айблов эълон қилинган. Бироқ у соғлиғидаги муаммолар, дипломатик учрашувлар ва бошқа турли баҳоналар билан тергов ишини ортга суриб келмоқда.

Кеча 20:15

Зеленский ва Макрон «тарихий битим»ни имзолади

Франция Украинага 100 та Rafale қирувчи самолётини етказиб беради. Макрон 2027 йилгача Украинада тинчликка эришилишига умид қилмоқда.

12.11.2025 | 20:22

Шавкат Мирзиёев UNESCOнинг янги сайланган бош директорини қабул қилди

Улар UNESCO Бош конференциясининг 43-сессияси якунлари ва БМТнинг ушбу нуфузли институти билан ҳамкорликни янада ривожлантириш истиқболларини кўриб чиқди.

Бугун 08:18

Сенатор Грэҳэм: «Санкциялар Трампга Украинадаги урушни тўхтатиш имконини беради»

АҚШда Россия ва уни қўлловчи давлатларга нисбатан «жуда қатъий» санкциялар жорий этилиши режалаштирилмоқда.

Бугун 16:55

Парижда «Анорбанк» раҳбарининг «ўғирланиши» саҳналаштирилгани айтилмоқда

Аниқланишича, Қаҳрамонжон Олимовнинг Франциядаги «ўғирланиши» қарз ва бизнес масалаларини ҳал этиш учун саҳналаштирилган бўлиши мумкин.

12.11.2025 | 09:06