Ўзбекистон 2026 йилда ҳам Афғонистонга электр етказиб беради

Бугун 12:551651

Ўзбекистон ва Афғонистон ўртасида 2026 йил учун электр энергиясини етказиб бериш бўйича шартнома имзоланди.

Ўзбекистон 2026 йилда ҳам Афғонистонга электр етказиб беради

Энергетика вазирлиги маълум қилишича, 2026 йилда ҳам Афғонистонга электр энергиясини етказиб бериш давом эттирилади. Бу бўйича 17 ноябр куни Тошкентда энергетика вазири Жўрабек Мирзамаҳмудов ва Афғонистоннинг «Da Afghanistan Breshna Sherkat» (DABS) компанияси бош директори Абдул Бори Умар билан бўлиб ўтган учрашувда тегишли шартнома имзоланди.

Мулоқотда икки давлат энергетика соҳасидаги ҳамкорликни мустаҳкамлаш масалалари муҳокама қилинди. Президент Шавкат Мирзиёевнинг БМТ Бош Ассамблеясининг 80-сессияси ва Марказий Осиё давлатлари раҳбарларининг еттинчи Маслаҳат учрашувида илгари сурган ташаббуслари қўшни Афғонистон иқтисодиётини қўллаб-қувватлашга хизмат қилаётгани таъкидланди.

Шунингдек, Афғонистон ҳудудида қурилаётган юқори кучланишли электр узатиш тармоқлари ва подстанцияларнинг жорий ҳолати муҳокама қилинди. Томонлар қурилиш ишларини янада жадаллаштириш бўйича келишиб олди.

Маълумот учун, Ўзбекистон Афғонистоннинг асосий электр етказиб берувчиси бўлиб қолмоқда. Афғонистонда ички ишлаб чиқариш ҳажми 250 МВт атрофида бўлиб, мамлакат Туркманистон, Эрон, Ўзбекистон ва Тожикистондан йилига 800 МВт гача электр энергиясини импорт қилади. Бунинг учун йилига 250–280 миллион доллар сарфланади. Ўзбекистон 2002 йилдан бери Афғонистонга мунтазам равишда электр энергияси етказиб бермоқда.

Теглар

DABS Афғонистон Ўзбекистон электр энергияси ҳамкорлик

Мавзуга оид

Кеча 11:55

Ўзбекистон ва Туркманистон президентларининг тор доирадаги музокаралари бўлиб ўтди

Музокаралар давомида Шавкат Мирзиёев ва Сердар Бердимуҳамедов стратегик шерикликни кенгайтириш муҳимлигини таъкидлашди.

11.11.2025 | 18:35

Президент экология ва атроф-муҳитни муҳофаза қилиш юзасидан таклифлар билан танишди

Экология соҳасида бошқарувни такомиллаштириш ва лойиҳалар самарадорлигини ошириш масалалари муҳокама қилинди.

15.11.2025 | 12:35

Қозоғистон билан ўзаро товар айрибошлаш ҳажми 10 млрд долларга етказилади

Мирзиёев ва Тўқаев раислигидаги учрашувда стратегик ҳамкорликни кенгайтиришга доир муҳим келишувлар амалга оширилди.

Кеча 15:10

Ўзбекистон ва Туркманистон ўртасида қандай келишувларга эришилди?

Музокаралар якунида Шавкат Мирзиёев ва Сердар Бердимуҳамедов ҳузурида бир қатор ҳужжатларни алмашиш маросими ўтказилди.

Кеча 18:45

Тошкентда 18 ноябр куни айрим кўчаларда ҳаракат вақтинча чекланади

Давлат байроғи куни муносабати билан «Ғалаба боғи»дан «Халқлар дўстлиги» саройигача ҳарбий марш ўтказилади. Шу сабаб айрим кўчаларда ҳаракат вақтинча тўхтатилади.

Кеча 22:25

Хитой ташқи ишлар вазири Ванг Йи Ўзбекистонга келмоқда

Ванг Йининг сафари дипломатия, савдо, инфратузилма ва минтақавий ҳамкорлик ташаббуслари орқали Хитойнинг Марказий Осиёдаги иштирокини кенгайтиришга қаратилган.