Ўзбекистонда Экополиция ташкил этилади

Бугун 14:251702

Экологик хавфсизлик устидан назоратни кучайтириш мақсадида махсус ваколатларга эга Давлат экологик назорат инспекцияси (Экополиция) ташкил этилиб, прокуратуранинг 40 та штат бирлиги унга ўтказилади.

Президент фармонига кўра, Экология ва иқлим ўзгариши миллий қўмитаси таркибида Давлат экологик назорат инспекцияси — Экополитсия ташкил этилмоқда. Ушбу махсус тузилма экологик қонунбузарликларни аниқлаш, уларнинг олдини олиш ва соҳада қатъий тартиб ўрнатиш учун кенг ваколатларга эга бўлади.

Қайд этилишича, Экополитсияга прокуратурадан 40 та штат бирлиги ўтказилиши белгиланган. Бу ходимлар Қорақалпоғистон Республикаси, вилоятлар ва Тошкент шаҳрида экологик назорат йўналишида фаолият юритган бўлинмалар асосида шаклланади. Шунингдек, табиатни муҳофаза қилишга ихтисослашган махсус прокуратура бўлинмалари ҳам янги тузилмага интеграция қилинади.

Экополиция ходимларига жисмоний куч ишлатиш, махсус воситалар (электрошок қурилмалари) ва хизмат қуроли (резина ўқли, тўр отувчи)ни қўллаш ҳуқуқи берилади, шунингдек, уларнинг махсус кийимига боди-камерлар ўрнатилади. Қонунчиликка тегишли ўзгартиришлар киритилгунга қадар Экополитсия ходимлари томонидан жисмоний куч ишлатиш, махсус воситалар ва хизмат қуролини қўллаш тартибига Ўзбекистон Республикасининг «Ички ишлар органлари тўғрисида»ги Қонунида белгиланган асослар ва шартлар татбиқ этилади.

Фармонга биноан, Экология қўмитаси раиси бир вақтнинг ўзида Экополитсия бошлиғи вазифасини бажаради. Тузилманинг ўринбосари эса қўмита раиси ўринбосари сифатида ишлаб, Экополитсиянинг тезкор штабига раҳбарлик қилади.

Шунингдек, Экополитсияга унинг ҳудудий бўлинмаларини маъмурий-ҳудудий бирликлар чегараларини ҳисобга олмаган ҳолда табиий экологик ҳудудлар чегаралари доирасида ташкил этишга рухсат этилади.

Аввалроқ Президент фармонига кўра, экологик сиёсат ва назоратни кучайтириш мақсадида вазирлик ўрнига мустақил Экология ва иқлим ўзгариши миллий қўмитаси ташкил этилди, Туризм қўмитаси эса алоҳида органга айлантирилгани ҳақида хабар берган эдик.

Теглар

экологик назорат прокуратура Мирзиёев Экология қўмитаси Экополитсия

Мавзуга оид

13.11.2025 | 22:20

Шавкат Мирзиёев ёзган мақола, вояга етмаганлар учун банк картаси ва риэлторликка доир миллий стандарт — 13 ноябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

13.11.2025 | 21:45

Хитой–Қирғизистон–Ўзбекистон темир йўли муддатидан олдин топширилиши мумкин

Лойиҳа муддати олти йилдан тўрт йилгача қисқариши кутилмоқда. Транспорт вазири айтишича, «Хитой — Қирғизистон — Ўзбекистон» темирйўли Марказий ва Жанубий Осиёни боғловчи энг қисқа минтақавий йўналишни яратади.

Кеча 09:55

Қозоғистон президенти Шавкат Мирзиёевга хат ёзди

Тўқаев мактубда Қозоғистон делегациясига кўрсатилган илиқ меҳмондўстлик учун ўз миннатдорлигини билдирган.

17.11.2025 | 23:13

Тошкент вилояти ҳокимлиги Касаба уюшмалари кунини нишонлашга сал кам 400 млн сўм ажратди

250 нафар байрам иштирокчиларига байрам дастурхони ҳамда 25 нафар касаба уюшма фаолларини рағбатлантириш учун эсдалик совғаларига 325 млн см ажратилган.

14.11.2025 | 23:02

Алиев Озарбойжонга ёрдам берган биринчи президент Мирзиёев бўлганини айтди

У Ўзбекистон президенти Шавкат Мирзиёевни Озарбойжонни қўллаб-қувватлаган дунёдаги биринчи давлат раҳбари деб атади.

14.11.2025 | 10:27

Тошкентда Марказий Осиё давлатлари раҳбарларининг еттинчи Маслаҳат учрашуви бўлиб ўтади

15-16 ноябр кунлари Тошкент шаҳрида Шавкат Мирзиёев раислигида Марказий Осиё давлатлари раҳбарларининг еттинчи Маслаҳат учрашуви бўлиб ўтади. Учрашувда Озарбайжон Республикаси Президенти Илҳом Алиев ҳам иштирок этади.