Ўзбекистонда келаси хафта ёғингарчиликсиз бошланади

Тошкент шаҳрида шамол шарқдан 3–8 метр секунд тезликда эсади. Ҳарорат кечаси +12...+14 даража, кундузи +26...+28 даража бўлади. Қорақалпоғистон Республикаси ва Хоразм вилоятида ҳаво ёғингарчиликсиз, шамол 7–12 метр секунд тезликда эсади, баъзи жойларда 13–18 метр секундгача кучайиши ва чанг тўзонлар кузатилиши мумкин. Ҳарорат кечаси +5...+10 даража, кундузи +22...+27 даража бўлади. Бухоро ва Навоий вилоятларида шамол шарқдан 7–12 метр секунд тезликда эсиб, айрим жойларда кучайиши мумкин. Ҳаво ёғингарчиликсиз бўлади. Ҳарорат кечаси +10...+15 даража, кундузи +25...+30 даража бўлади. Тошкент, Сирдарё, Жиззах ва Самарқанд вилоятларида ҳам ҳаво ўзгарувчан, лекин ёғингарчиликсиз бўлиши кутилмоқда. Шамол 7–12 м/с тезликда эсади. Ҳарорат кечаси +10...+15 даража, кундузи +23...+28 даража бўлади. Қашқадарё ва Сурхондарё вилоятларида шамол 7–12 метр секунд тезликда эсади, ҳаво илиқ ва ёғингарчиликсиз бўлади. Ҳарорат кечаси +10...+15 даража, кундузи +27...+32 даражагача кўтарилади. Андижон, Наманган ва Фарғона вилоятларида шамол 5–10 метр секунд тезликда эсади, ҳаво ёғингарчиликсиз. Ҳарорат кечаси +10...+15 даража, кундузи +23...+28 даража бўлади. Республиканинг тоғли ҳудудларида шамол шарқдан 7–12 метр секунд тезликда эсади, ёғингарчилик кутилмайди. Ҳарорат кечаси +5...+10 даража, кундузи +18...+23 даража бўлади.