Қамчиқ довонида қор ёғмоқда

Бугун 11:161291

4 ноябр куни Қамчиқ довонининг юқори қисмида қор ёға бошлади. ФВВ, ЙПХ ва «Қамчиқавтойўл» ИЙФУК хизматлари йўлни тозалаш ҳамда ҳайдовчилар хавфсизлигини таъминлаш ишларини кучайтирди.

Фавқулодда вазиятлар вазирлиги маълумот беришича, Қамчиқ довони ҳудудида ёғаётган қор сабабли йўл хизматлари ва қутқарувчи гуруҳлар фаолияти кучайтирилган. Ҳозирда довоннинг юқори қисмида қор майин тарзда ёғмоқда, йўлнинг қопламаси эса мунтазам равишда тозаланмоқда.

ФВВ, ЙПХ ва «Қамчиқавтойўл» ИЙФУК ходимлари ҳамкорликда музламаларнинг олдини олиш ва қум–туз аралашмасини сепиш ишларини амалга оширмоқда. Бу чоралар транспорт воситалари ҳаракатини хавфсиз ва узлуксиз таъминлашга қаратилган.

Қутқарувчилар йўлда қолиб кетган ҳайдовчиларга амалий ёрдам кўрсатиб, техник носозлик ёки музлаган йўл сабабли тўхтаб қолган транспорт воситаларини хавфсиз жойга чиқариш билан шуғулланмоқда. Йўлдаги назорат тадбирлари давом этмоқда.

Вазирлик ҳайдовчилардан довон орқали ҳаракатланишда эҳтиёткорликни кучайтиришни сўрамоқда. Хусусан, қишки шиналардан фойдаланиш, тезлик ва масофа меъёрларига риоя қилиш ҳамда транспорт воситасини қиш мавсумига тайёр ҳолатда сақлаш тавсия этилган.

Теглар

ФВВ ЙПХ Қамчиқ довони қор йўл хизмати

Мавзуга оид

29.10.2025 | 21:23

Кувайт компанияси Ўзбекистонда исломий банк ташкил этиши мумкин

Кувайтнинг Noor Financial Investment компанияси Ўзбекистонда исломий банк очиш имкониятларини муҳокама қилди.

29.10.2025 | 16:56

Финландия президенти расмий ташриф билан Ўзбекистонга келмоқда

Финландия президенти Александр Стубб 29 октябр – 1 ноябр кунлари расмий ташриф билан Ўзбекистонда бўлади.

02.11.2025 | 19:58

Шавкат Мирзиёев Ижтимоий ривожланиш бўйича иккинчи Жаҳон саммитида иштирок этади

Ўзбекистон президенти амир Шайх Тамим бин Ҳамад Ол Сонийнинг таклифига биноан Жаҳон саммитида иштирок этиш учун Қатарга боради.

29.10.2025 | 07:58

Ўзбекистон 2030 йилгача авиация йўловчиларини 24 млн нафарга етказмоқчи

Президент томонидан имзоланган фармонга кўра, 2030 йилгача йўловчи ташиш ҳажми йилига 24 млн нафарга етказилиши, авиапарк 180 та самолётгача кенгайтирилиши режалаштирилган.

31.10.2025 | 18:18

Кўксарой қароргоҳида Финляндия президентини кутиб олиш маросими бўлди

Кутиб олиш маросими якунлангач, делегациялар иштирокида музокаралар бошланди.

31.10.2025 | 10:55

«Golden House» қурилиш компанияси огоҳлантирилди

Компания шартномаларида харидор ўз ташаббуси билан келишувни бекор қилган ёки қурилиш фаолиятидан норози бўлиб ОАВ, тегишли идора ва ташкилотларга мурожаат қилган тақдирда шартнома қийматининг 10 фоизи миқдорида жарима қўлланиши белгилангани аниқланган.