Қозоғистон электр энергияси тарифларини 7 йилга музлатмоқчи

02.12.2025 | 18:582762 дақиқа

Қозоғистонда электр энергияси учун максимал тарифлар 2026 йилдан 2032 йилгача оширилмаслиги белгиланмоқда. Энергетика вазирлиги бу бўйича махсус лойиҳа эълон қилди.

Қозоғистон электр энергияси тарифларини 7 йилга музлатмоқчи

Қозоғистон Энергетика вазирлиги мамлакатдаги электр энергияси нархларини мутлақ барқарорлаштириш мақсадида янги тартиб лойиҳасини жамоат муҳокамасига қўйди.

Ҳужжатга кўра, электр энергияси учун максимал (чегара) тарифлар 2026–2032 йилларда умуман оширилмайди. Бу қарор Қоим-Жўмарт Тўқаев бошчилигида 8 октябрда ўтган иқтисодий дисбаланслар ва инфляция хатарларига бағишланган йиғилишда қабул қилинган топшириқлардан келиб чиққан.

Лойиҳага мувофиқ, 2026–2032 йиллар учун чегара тарифлари 2025 йилда амал қилаётган тарифлар билан бир хил даражада белгиланади. Бу дегани, энерготаъминловчи компаниялар учун нарх чегараси етти йил давомида ўзгармасдан қолади. Вазирликнинг қайд этишича, тарифларни музлатиш ягона электр харидори учун ҳам қўшимча молиявий босим яратмайди, чунки тартиб амалдаги 2025 йил чегаралари асосида шакллантирилган.

Ҳукумат фикрича, тарифларни узоқ муддатга барқарор сақлаш инфляцияни назорат қилишда, макроиқтисодий мувозанатни тиклашда ва аҳоли харажатларини прогноз қилишда муҳим омил бўлади. Бу жараён ишлаб чиқарувчиларга ҳам аниқ бизнес-режалаштириш имконини беради. Бироқ айрим экспертлар тарифларни етти йилга музлатиш энергетика соҳасида инвестиция фаоллигини пасайтириши мумкинлигини ҳам таъкидламоқда.

Янги тарифлар 2026 йил 1 январдан кучга кириши режалаштирилган ва 2032 йил охиригача амал қилади.

Ҳужжат лойиҳаси Қозоғистоннинг «Очиқ меъёрий ҳуқуқий ҳужжатлар» платформасида жойлаштирилган ва 17 декабргача жамоатчилик муҳокамаси учун очиқ.

Эслатиб ўтамиз, Тожикистонда бир вақтлик истеъмол 4 kW дан ошса — хонадон токдан автоматик узилиши ҳақида хабар берган эдик.

Теглар

Қозоғистон бозор иқтисод энергия тариф инфляция

Мавзуга оид

Кеча 11:55

2026 йилда Марказий Осиё давлатлари сувни қандай тақсимлаб олади?

Марказий Осиё давлатлари келаси йилда сув ресурсларидан фойдаланиш тартибини келишиб, минтақадаги сув танқислиги шароитида адолатли тақсимотни таъминлашга келишиб олди.

01.12.2025 | 17:18

Тожикистонда бир вақтлик истеъмол 4 kW дан ошса — хонадон токдан автоматик узилади

Душанбе ва вилоятларда аҳолига юборилган SMSлар туркуми саросима келтирди: уйдаги электр сарфи бир вақтнинг ўзида 4 kWдан ошса, таъминот 30 дақиқага автоматик ўчирилади. Сабаби ва расмий изоҳлар аниқлаштирилди.

02.12.2025 | 08:18

Президент қишда аҳоли учун электрни узлуксиз етказиб беришни топширди

Экологик барқарорлик ва қиш мавсумига тайёргарлик масалалари муҳокама қилинди.

29.11.2025 | 21:50

Тожикистонда электр чекловлари кучайтирилди: давлат идораларида чироқлар ўчирилади

Тожикистонда электр танқислиги кескинлашиб, давлат корхоналари ва бюджет ташкилотлари ишдан сўнг тўлиқ тармоқдан узилиши белгиланди, чекловлар муддати эса маълум қилинмаган.

02.12.2025 | 13:55

Марказий Осиё учун катта имконият: АҚШ Чобаҳор порти бўйича санкция истисносини сақлаб қолди

АҚШ Чобаҳор портига нисбатан санкция истисносини сақлаб, Марказий Осиё учун Жанубий йўналишдаги энг муҳим транзит эшигини қайта очди. Бу минтақанинг экспорт стратегиясига жиддий таъсир қилади.

Кеча 08:07

Қозоғистон Россия нефтининг Хитойга транзитини тўхтатиши мумкин

АҚШнинг «Роснефт»га нисбатан санкциялари туфайли Қозоғистон орқали Хитойга ўтадиган Россия нефтин транзити хавф остида қолди. Қарорни АҚШ Молия вазирлиги белгилайди.