Роналду жамоасига қарши ўйин «Нефтчи»га қимматга тушди: клуб жаримага тортилди

Осиё футбол конфедерацияси Фарғонанинг «Нефтчи» клубини Саудия Арабистонининг «Ал-Наср» жамоасига қарши ўйиндаги тартибсизликлар учун 3 600 АҚШ доллари миқдорида жаримага тортди.

жорий йилнинг 12 октябрь куни бўлиб ўтган учрашувда «Нефтчи» Криштиану Роналду тўп сурадиган Саудия Арабистони клубига 3:1 ҳисобида имкониятни бой берган. Конфедерация Фарғона клубини футболчилар томонидан юзага келтирилган оммавий тартибсизликлар сабабли жазолаган. Хусусан, мазкур ўйин давомида «Нефтчи»нинг бирданига беш нафар ўйинчиси ҳакам томонидан сариқ карточка билан огоҳлантирилган.

Шу билан бирга, мазкур учрашув ортидан «Нефтчи» ярим ҳимоячиси Икромжон Алибоевга нисбатан ҳам алоҳида жазо чораси қўлланилган эди. Қайд этилишича, футболчи мазкур ўйиндаги ҳаракатлари учун 2 000 АҚШ доллари миқдорида жаримага тортилган.