«Тирик китоб» сифатида танилган Хайрулла Асадовнинг 100 дона китоби мусодара қилинди

03.03.2026 | 23:101 дақиқа

Унга базавий ҳисоблаш миқдорининг 5 баравари (2 млн 60 минг сўм) миқдорида жарима жазоси ҳам қўлланилди.

«Тирик китоб» сифатида танилган Хайрулла Асадовнинг 100 дона китоби мусодара қилинди

Одамлар «тирик китоб» сифатида танийдиган, Тошкент кўчаларидан бирида китоб сотиб ўтирадиган Хайрулла Асадов маъмурий жазога тортилди. Rost24 нашрининг хабар беришича, унга хайрия йўли билан курилган китоб растаси бўйича Мирзо Улугбек тумани ҳокимлиги ходими томонидан шикоят киритилган.

Суд қарорига кўра, Хайрулла Асадов Маъмурий жавобгарлик тўғрисидаги кодекснинг 176-моддаси 1-қисмида назарда тутилган тадбиркорлик фаолиятини давлат рўйхатидан ўтмасдан амалга ошириш ҳуқуқбузарлигини содир қилган деб топилган. Унга 2 миллион 60 минг сўм миқдорида жарима тайинланди.

Шунингдек, Хайрулла Асадовнинг нархи 1 млн 520 минг сўм бўлган 3 турдаги 100 дона китоби тегишли тартибда мусодара қилинган.

Kun.uz'нинг қайд этишича, 2025 йил 23 сентябр куни Мирзо Улуғбек тумани давлат солиқ инспекцияси ходимлари Хайрулла Асадовга тегишли кўчма савдо нуқтасида текширув ўтказган. Жараёнда у харидорга 20 минг сўмга харид чеки бермагани ва кунлик савдодан тушган 20 минг сўм пулни онлайн назорат касса машинаси хотирасига киритмагани, шунингдек, тегишли ҳужжатларсиз фаолият юритаётгани аниқланган.

Хайрулла Асадовни халқ орасида машҳур қилган Эркин Бозоров унга молиявий ёрдам кўрсатиб, тайинланган жаримани тўлаб берган.

Теглар

Мирзо Улуғбек тумани маъмурий жарима Хайрулла Асадов китоб савдоси Эркин Бозоров

Мавзуга оид

Кеча 20:00

Ўзбекистонда МЧЖлар сони 331 мингдан ошди

Мамлакатда фаолият юритаётган тижорат ташкилотларининг қарийб тўртдан уч қисми масъулияти чекланган жамиятлар ҳиссасига тўғри келмоқда.

Кеча 21:20

Глобал «юмшоқ куч» индекси эълон қилинди: Ўзбекистон 92-ўринда

Мазкур индекс мамлакатларнинг ҳарбий ёки иқтисодий босимсиз, маданият, дипломатия ва халқаро обрў орқали таъсир ўтказиш имкониятини баҳолайди.

Кеча 13:35

«Ёшлик-1» ва «Қалмоққир» кон захиралари маълум қилинди

«Ёшлик-1» ва «Қалмоққир» конларидаги захиралар саноатни камида 100 йил давомида хомашё билан таъминлаш имконини беради.

Кеча 17:40

Пойтахтимиз эстетикаси тадбиркорнинг «белини синдириш» эвазига бўлмаслиги керак – Бобур Бекмуродов

Депутат Бекмуродов президент Шавкат Мирзиёев томонидан бизнес учун янги мажбуриятларни юклашга мораторий жорий этилганини ҳам эслатди ва масъул идораларни ноқонуний хатти-ҳаракатларни тўхтатиб, қонунийликни таъминлашга чақирди.

Кеча 12:40

Энг юқори маошли соҳалар маълум қилинди

Президент Шавкат Мирзиёев иштирокида Олмалиқ кон-металлургия комбинатида 3-мис бойитиш фабрикаси очилишида энг юқори маошли тоғ-кон саноати соҳасида экани маълум қилинди.

Кеча 18:20