Trampning ultimatumi Rossiya uchun qimmatga tushadi
Putin urushni to‘xtatish uchun murosaga borishdan bosh tortmoqda. Bu esa nafaqat tinchlik sari imkoniyatlarni, balki Rossiyaning xalqaro ta’sirini ham yo‘qqa chiqarmoqda.
The Washington Post tahlilchilari ta’kidlashicha, Rossiya prezidenti Vladimir Putin Ukrainadagi urushda murosaga kelish niyati yo‘q. Uning bunday pozitsiyasi nafaqat G‘arb bilan munosabatlarni tiklash imkoniyatini yo‘qqa chiqaradi, balki Moskva uchun xalqaro miqyosda ulkan iqtisodiy va geosiyosiy to‘lov talab etadi.
Rossiya bo‘yicha mutaxassis Maykl Kimmajning ta’kidlashicha, Putinning NATOga qarshi pozitsiyasi va bosib olingan ukrain hududlarini tan olish talablari xavfsizlik emas, balki ehtirosga asoslangan. Uning so‘zlariga ko‘ra, Putin Ukrainaga nisbatan Belorussiya kabi itoatkor ittifoqchi emasligi uchun shaxsiy intiqom ruhida harakat qilmoqda.
Ushbu irratsional fiksatsiya Rossiyaning mintaqaviy pozitsiyalariga ham salbiy ta’sir ko‘rsatdi. Qozog‘iston, Armaniston va Ozarboyjon bilan munosabatlar sezilarli ravishda yomonlashgan. Shuningdek, Yaqin Sharqdagi ta’sir ham pasaydi.
Rossiya iqtisodiyoti ham urush tufayli Xitoyga qaram bo‘lib qoldi. 2021 yilda Rossiya neftining 49 foizi va gazining 74 foizi Yevropaga eksport qilingan bo‘lsa, hozir bu ulush keskin qisqargan. Shu sababli Moskva o‘z nefti va gazini arzonlashtirilgan narxlarda Xitoy va Hindistonga sotishga majbur bo‘lmoqda.
Tahlilchilarning fikricha, Tramp ma’muriyati tomonidan berilayotgan imkonlardan foydalanmaslik ham urushni tugatish yo‘lidagi yana bir to‘siq hisoblanadi. AQSHning Rossiyaga nisbatan dahshatovoz siyosati Moskvada bu urushni G‘arbga qarshi «messian kurash» sifatida ko‘rishni mustahkamlamoqda.
Tarixchi Stiven Kotkin ta’kidlaganidek, Rossiya o‘z tarixida eng muvaffaqiyatli davrlarga G‘arb bilan chuqur iqtisodiy aloqalar tufayli erishgan. Ukraina bilan zo‘ravonlikka asoslangan munosabatlar esa Rossiyaning Yevroosiyodagi mavqeini zaiflashtirmoqda.
