Туркияда 3 йил доимий яшаган ўзбекистонликларга иш рухсатномаси берилиши мумкин
Бу борада Миграция агентлиги Туркиянинг Меҳнат ва ижтимоий таъминот вазирлиги билан келишувга эришган.
© Фото: t.me/uzmigration2026 йил 1 мартдан бошлаб Туркияда 3 йил доимий асосда яшаган ўзбекистонликларга илк бор иш рухсатномаси берилиши мумкин. Бу ҳақда Миграция агентлиги матбуот хизмати хабар берди.
Қайд этилишича, агентлик раҳбари Беҳзод Мусаев ҳамда Туркиянинг Меҳнат ва ижтимоий таъминот вазири Ведат Ишикхан ўртасида қонуний ва ҳимояланган меҳнат миграциясини янги босқичга олиб чиқишга қаратилган стратегик аҳамиятга эга учрашув бўлиб ўтган.
Учрашувда:
• Туркияда ноқонуний мақомда бўлган ўзбекистонликларни депортациясиз легаллаштириш амалиётини давом эттириш;
• Туркияда 3 йил доимий асосда яшаган ўзбекистонликларга шу йил 1 мартдан бошлаб, илк бор иш рухсатномасини бериш;
• Меҳнат вазирлиги ҳузуридаги İŞKUR ташкилоти томонидан талаб юқори бўлган касбларни марказлаштириб, Миграция агентлигига талабнома тақдим қилиш каби масалалар бўйича Битим имзолашга келишиб олинган.
