Энг яхши микрокредит ва автокредит ставкаларини қайси банклар таклиф қилмоқда?
Марказий банк мамлакатдаги тижорат банклари таклиф қилаётган микроқарз ва автокредитларнинг янгиланган фоиз ставкаларини маълум қилди.
© ShutterstockМарказий банк мамлакатдаги тижорат банклари томонидан аҳолига ажратилаётган микроқарз ва автокредитлар бўйича ўртача фоиз ставкаларини янгилади.
2026-йил 24-август ҳолатига микроқарзлар бўйича ўртача фоиз ставкаси 29,1 фоизни, автокредитлар бўйича эса 21,6 фоизни ташкил этди. Ўтган ҳафтада бу кўрсаткичлар мос равишда 29,6 ва 21,4 фоиз бўлганди.
Микроқарзлар
Микроқарзлар сегментида энг паст фоиз ставкаси 23,0 фоиз билан «Aloqabank»да қайд этилди. Кейинги ўринларда «Infinbank» — 24,0 фоиз, «Asia Alliance bank» — 24,3 фоиз, «Trastbank» — 24,4 фоиз ва «Milliy bank» — 25,0 фоиз ставка билан жойлашди.
Шунингдек, «Universal bank» 25,2 фоиз, «BRB» 25,3 фоиз, «Agrobank» 25,7 фоиз, «Mikrokreditbank» 26,8 фоиз, «Xalq banki» ва «Kapital bank» 27,0 фоиз, «Poytaxt bank» ва «Asaka bank» 27,2 фоиз, «OFB» 27,3 фоиз ҳамда «SQB» 27,5 фоиз ставкада микроқарз таклиф қилмоқда.
Юқори сегментда «Garant bank» 29,4 фоиз, «Hamkorbank» 29,8 фоиз, «Apex bank» 31,2 фоиз ва «Madad Invest bank» 31,3 фоиз ставка таклиф қилмоқда.
Энг юқори ставкалар «Ipoteka bank»да 33,7 фоиз, «Davr bank»да 34,4 фоиз, «Ipak yuli bank»да 35,0 фоиз, «Tenge bank»да 35,2 фоиз, «TBC bank»да 35,3 фоиз, «Uzum bank»да 38,0 фоиз, «AVO bank»да 39,9 фоиз ва «Anor bank»да 41,3 фоиз билан қайд этилди.
Автокредитлар
Автокредитлар бўйича энг паст ставка 18,1 фоиз билан «Ipoteka bank»да қайд этилди. Кейинги ўринларда «Aloqabank» — 18,4 фоиз, «BRB» — 18,5 фоиз, «Apex bank» — 20,1 фоиз ҳамда «Milliy bank» — 20,6 фоиз ставка билан жойлашди.
Шунингдек, «SQB» 21,3 фоиз, «Mikrokreditbank» 21,9 фоиз, «Asaka bank» 22,0 фоиз, «Ipak yuli bank» 22,2 фоиз, «Turon bank» ва «TBC bank» 22,3 фоиз, «OFB» 22,4 фоиз, «Asia Alliance bank» 23,4 фоиз ҳамда «Trastbank» 23,6 фоиз ставкада автокредит ажратмоқда.
Юқори сегментда «Davr bank» 24,3 фоиз, «Garant bank» 24,6 фоиз, «Agrobank» 24,8 фоиз ва «Poytaxt bank» 24,9 фоиз ставка таклиф қилмоқда. Ҳозирги маълумотларга кўра, автокредитлар бўйича энг юқори ставка «Hamkorbank»да қайд этилган бўлиб, у 26,6 фоизни ташкил этмоқда.
