O‘zbekiston birinchi xonimi Serbiyaning madaniy merosi bilan tanishdi

Bugun 08:001 daqiqa

Ziroat Mirziyoyeva Belgradda Serbiya Milliy muzeyiga tashrif buyurib, mamlakatning boy madaniy merosi va tarixiga oid noyob eksponatlar bilan tanishdi.

O‘zbekiston birinchi xonimi Serbiyaning madaniy merosi bilan tanishdi

O‘zbekiston prezidenti Shavkat Mirziyoyevning Serbiya Respublikasiga rasmiy tashrifi doirasida mamlakat birinchi xonimi Ziroat Mirziyoyeva Serbiya birinchi xonimi Tamara Vuchich hamrohligida Belgraddagi qator madaniy obyektlarga tashrif buyurdi.

Dasturning ilk manzili Serbiya Milliy muzeyi bo‘lgan. Birinchi xonimlar muzey ekspozitsiyasi bilan tanishib, unda mamlakat tarixiga oid arxeologik topilmalar, shuningdek, serb va jahon san’ati asarlarini ko‘zdan kechirgan. Shu bilan birga, oliy martabali mehmonlar «Etno-mreja» an’anaviy hunarmandchilik ko‘rgazmasi bilan ham tanishgan.

Mamlakatning eng muhim milliy yodgorliklaridan biri – serb kirill yozuvining eng qadimiy namunasi hisoblangan Miroslav Injiliga alohida e’tibor qaratilgan. XII asrga oid ushbu noyob qo‘lyozma yuksak badiiy qiymatga ega bo‘lib, uning miniatyuralari mahorat bilan bezatilgan. 2005-yilda Miroslav Injili UNESCO’ning «Jahon xotirasi» xalqaro reyestriga kiritilgan.

Shundan so‘ng, birinchi xonimlar dunyodagi eng yirik pravoslav ibodatxonalaridan biri va Serbiyaning muhim ma’naviy ramzi bo‘lgan Avliyo Savva cherkoviga tashrif buyurgan.

Samimiy muloqot chog‘ida Ziroat Mirziyoyeva va Tamara Vuchich O‘zbekiston va Serbiya o‘rtasidagi madaniy-gumanitar aloqalarni yanada rivojlantirish muhimligini ta’kidlagan.

Teglar

Serbiya Belgrad madaniy meros Ziroat Mirziyoyeva Tamara Vuchich Serbiya Milliy muzeyi Miroslav Injili Avliyo Savva cherkovi O‘zbekiston–Serbiya munosabatlari

Mavzuga oid

Kecha 09:20

Trampizm va yangi dunyo tartibi: AQSHning global roli o‘zgarmoqda

Ikkinchi jahon urushidan keyin shakllangan G‘arb yetakchiligidagi global boshqaruv tizimi jiddiy tarixiy burilish pallasini boshdan kechiryapti.

Kecha 08:40

Rossiya hududida chorva mollarini ommaviy ravishda so‘yish boshlandi

Irkutsk okrugining ayrim hududlarida nodulyar dermatit xavfi tufayli favqulodda holat rejimi joriy etildi.

07.09.2026 | 20:55

«Billionaire Census»: Sayyoramizda qancha boy bor?

«Altrata» tahliliga ko‘ra, 2025 yilda dunyodagi milliarderlar soni tarixiy maksimumga yetgan. Boylikning asosiy qismi «supermilliarderlar» qo‘lida to‘plangan.

07.09.2026 | 20:20

Yangi dunyo xaritasi ma’qullandi

Unda Afrikaning haqiqiy o‘lchami ko‘rsatilgan.

Kecha 16:49

Germaniyada o‘ta o‘ng kuchlar natsistlar davridan buyon ilk bor saylovlarda tarixiy natijaga erishdi

Partiya saylov ro‘yxatining yetakchisi 2014-yilda kansler Angela Merkelning siyosiy yo‘nalishiga rozi bo‘lmagani sababli Xristian-demokratik ittifoq safidan chiqarilgandi. Germaniya ommaviy axborot vositalari uni allaqachon mamlakatdagi «eng xavfli odam» deb atagan.

07.09.2026 | 08:25

Tramp 1 dollarlik tangada tasvirlangan birinchi amaldagi AQSH prezidenti bo‘ldi

Chakana narxi 25 ta tangadan iborat rulon uchun 61 dollar, 100 ta tangadan iborat qop uchun esa 154,50 dollarni tashkil etadi. Tanganing rangiga qaramay, uning tarkibida oltin yo‘q. Tramp tasvirlangan tangani muomalaga kiritishning huquqiy asoslari bahsli.