Ипотека банк бошқарув раисига янги ўринбосар тайинланди
Бунга қадар банкнинг Рақамли технологиялар дирекцияси директори бўлиб ишлаб келаётган Михаил Данилин ушбу лавозимни эгаллади.
© SpotМихаил Данилин уч йил муддатга Ипотека банк бошқарув раисининг ўринбосари этиб тайинланди.
У янги лавозимда банкнинг IT бўлимига раҳбарлик қилади. Тегишли қарор 28 октябрь куни банк акциядорларининг йиғилишида қабул қилинган.
Тайинлов Марказий банк розилиги олингач расман кучга киради.
Маълумот учун, Данилин Михаил Алексеевич 1984 йилда Россиянинг Москва вилоятида туғилган.
2006 йилда Москва давлат инструментология ва информатика университети, 2009 йилда эса Халқ хўжалиги академиясини тамомлаган.
Меҳнат фаолиятини 2005 йилнинг август ойида Standard Bank тизимида лойиҳа менежери сифатида бошлаган.
Кейинги 20 йил давомида мамлакатдаги бир қатор банкларда, асосан, маҳсулотлар ва транзаксион хизматларни ривожлантиришда раҳбарлик лавозимларида ишлаган.
2025 йилнинг сентябрь ойига келиб Ипотека банк OTP гуруҳида ишлай бошлаган. Тайинловгача мазкур банкнинг Рақамли технологиялар дирекцияси директори эди.
