Коинотда фавқулодда ҳолат: «SpaceX» кемаси Ерга қайтарилди

Бугун 20:391 дақиқа

25 йил ичида илк бор Халқаро коинот станцияси миссияси муддатидан олдин тўхтатилди.

Коинотда фавқулодда ҳолат: «SpaceX» кемаси Ерга қайтарилди

Сўнгги 25 йил ичида илк бор Халқаро коинот станцияси (ХКС) экипажи фазогирлардан бирининг касаллиги сабаб муддатидан олдин Ерга қайтди. Сувга қўниш бугун, 15 январ куни АҚШда амалга оширилди.

NASA маълумотларига кўра, тўрт нафар фазогир бўлган SpaceX Dragon капсуласи Калифорния қирғоқлари яқинида муваффақиятли сувга қўнган. Экипаж таркибига америкалик Зена Кардман ва Майкл Финке, япониялик Кимия Юи ҳамда россиялик космонавт Олег Платонов жой олган. Улар очиқ коинотда 167 кун бўлишди.

Қайд этилишича, парвоз фазогирлардан бирининг соғлиғидаги муаммолар туфайли муддатидан олдин якунланган. Муаммо айнан кимда эканини NASA очиқламади. Бироқ экипаж аъзосининг аҳволи барқарор экани айтилмоқда.

NBC News нашрининг ёзишича, бу Халқаро коинот станциясининг 25 йиллик тарихида орбитадаги фазогирларнинг тиббий муаммолари туфайли миссия тўхтатилган илк ҳолатдир.

Bild хабарига кўра, бортдаги касаллик ҳақида январ ойи бошида маълум бўлган: аввалига шу сабабли очиқ коинотга чиқиш қолдирилган, сўнгра NASA миссияни тўлиқ тўхтатишга қарор қилган.

Ҳозирда ХКСда ноябр ойида «Союз» кемасида келган NASA астронавти Кристофер Уилямс ҳамда космонавтлар Сергей Микаев ва Сергей Куд-Сверчков қолмоқда.

Теглар

SpaceX NASA Халқаро коинот станцияси фазогир тиббий миссия

Мавзуга оид

Бугун 08:38

Доналд Трамп: «Евроиттифоқнинг техногигантларга қўллаётган жарималари «адолатсиз»

АҚШ президенти Доналд Трамп Европа Иттифоқининг америкалик технологик гигантларга нисбатан қўллаётган миллиардлаб евролик жарималарини кескин танқид қилиб, бу қарорлар Вашингтонга нисбатан иқтисодий босим эканини билдирди.

14.01.2026 | 15:20

«ChatGPT» иш топишга ёрдам берувчи янги функцияни ишга туширмоқда

Чат-ботдаги янги функция иш қидириш, резюме яхшилаш ва касбий режалаштиришни автоматлаштиришни мақсад қилган.

10.01.2026 | 09:31

Илон Маск дипфейк можароси туфайли «Grok»да тасвир яратишни чеклади

Илон Маскка тегишли «xAI» компанияси «Grok» чат-ботида тасвир яратиш функциясини бепул фойдаланувчилар учун ёпди, қарор дипфейк можароси ортидан қабул қилинди.

11.01.2026 | 13:30

Фанлар академияси олимлари хавфсиз графенли сув филтрини яратди

Янги биомос материал асосида ишлаб чиқилган лаборатория қурилмаси сувни юқори самара билан тозалаш имконини бермоқда.

11.01.2026 | 09:22

«Instagram»га оид йирик маълумотлар даркнетга сиздирилгани қайд этилди

«Instagram» платформасидаги маълумотлар сизиб чиқиши оқибатида 17,5 млн фойдаланувчининг шахсий маълумотлари даркнетга тушиб, фирибгарлик хавфи кескин ошди.

11.01.2026 | 10:28