Markaziy bank aholini soxta banklardan ogohlantirdi

Markaziy bank fuqarolarni firibgarlardan ogohlantirmoqda.

Ma’lum bo‘lishicha, ijtimoiy tarmoqlarda Markaziy bank nomidan tayyorlangan soxta litsenziya tarqatilmoqda.

Markaziy bankka ko‘ra, tarqatilayotgan soxta hujjatlarda ko‘rsatilgan «Oltin Oy Kredit» aksiyadorlik-tijorat banki mavjud emas

Shuningdek, Markaziy bank ushbu tashkilotga hech qanday litsenziya rasmiylashtirilmaganligini ma’lum qildi.

«Fuqarolar va tashkilotlarni bunday firibgarlik harakatlaridan ogoh bo‘lishga chaqiramiz», — deyiladi regulyator xabarida.

Ma’lumot uchun, litsenziyaga ega banklar ro‘yxatini ushbu havola orqali Markaziy bankning rasmiy veb-saytidan tekshirib olish mumkin.