O‘zbekiston Moskvadagi «Meet Global MICE Congress 2026» kongressida MICE sohasidagi ishbilarmonlik aloqalarini kengaytirishi mumkin
Iqtisodiy blokda rentabellikni boshqarish, pul oqimidagi uzilishlarning oldini olish va nostandart daromad manbalarini izlash masalalari ko‘rib chiqiladi. Biznes-modelning evolyutsiyasiga, ya’ni «odam-soat» sotishdan buyurtmachiga o‘lchanadigan qiymat taqdim etishga o‘tishga alohida e’tibor qaratiladi.
Moskva «Meet Global MICE Congress» kongressining o‘tgan yilgi rekordini takrorlashga tayyorlanmoqda. 2025-yilda kongressda dunyoning 37 mamlakatidan 2500 dan ortiq mutaxassis ishtirok etgan. 2026-yilning 16–17-dekabr kunlari Moskva Xalqaro savdo markazining kongress-markazida MGMC to‘rtinchi marta xalqaro MICE-industriyasining asosiy ishtirokchilarini yuqori darajadagi muloqot uchun birlashtiradi.
Ular orasida ishbilarmonlik tadbirlari tashkilotchilari, MICE xizmatlarini yetkazib beruvchilar, korporativ buyurtmachilar, davlat turizm idoralari vakillari, soha assotsiatsiyalari hamda BRIKS va Global Janub mamlakatlarining yetakchi ekspertlari bor
O‘zbekistonlik delegatlar uchun «MGMC 2026» rivojlanayotgan xalqaro bozorlarda yangi hamkorlar topish, ishbilarmonlik aloqalarini o‘rnatish, biznesni mustahkamlash va o‘z MICE salohiyatini namoyish etishning samarali kanali hisoblanadi. 2025-yilda yetakchi MICE-destinatsiyalarni taqdim etgan 130 dan ortiq eksponent orasida o‘zbekistonlik «Sanat Travel Experts DMC», «Inter MICE Asia» va «Silk Road Samarkand» kompaniyalari ham bor edi.
Ekspozitsiyada mamlakatning zamonaviy MICE infratuzilmasi salohiyati, logistik qulayligi va yuqori darajadagi xizmat ko‘rsatish namoyish etildi. Bu yil ham kongress maydonida keng ko‘lamli ekspozona tashkil etiladi. Unda o‘zbekistonlik MICE operatorlari, mehmonxona brendlari, soha assotsiatsiyalari, transport kompaniyalari hamda barcha professional va qiziquvchi auditoriya o‘z imkoniyatlarini taqdim etishi uchun sharoit yaratiladi.
Kongress jadvalida «Hosted Buyers» dasturi alohida e’tiborga loyiq. Bu yil unda MDH, Xitoy, Hindiston, Janubi-Sharqiy Osiyo, Yaqin Sharq, Lotin Amerikasi va Afrika mamlakatlaridan 200 dan ortiq professional xaridor ishtirok etadi.
«Hosted Buyers» dasturida qatnashish o‘zbekistonlik ishtirokchilarga yetakchi MICE xizmatlarini yetkazib beruvchilar bilan aloqa o‘rnatish hamda Moskvaning jahon darajasidagi yetakchi MICE-destinatsiyalardan biri sifatidagi salohiyatini baholash imkonini beradi. Kongress ishtirokchilarining qariyb 70 foizini yuqori bo‘g‘in rahbarlari va qaror qabul qiluvchi shaxslar tashkil etishini hisobga olsak, muzokaralarning bu formati shartnomalar tuzish va bitimlarni tezkor rasmiylashtirish uchun katta imkoniyatlarga ega. O‘tgan yili MGMC maydonida jami 8000 dan ortiq B2B-uchrashuv bo‘lib o‘tgan.
«MGMC 2026» amaliyotga yo‘naltirilgan ishbilarmonlik dasturini taqdim etadi. Unda asosiy urg‘u real biznes-keyslar va interaktiv formatlarga qaratiladi. Dastur markazida MICE-industriyasi ishtirokchilari uchun amaliy vositalar turadi: strategiyani shakllantirishdan tortib, g‘oyani aniq moliyaviy natijaga aylantiradigan amaliy yechimlargacha.
Delegatlar yangi bozorlarga chiqish, investitsiyalarni jalb qilish, biznesni qo‘llab-quvvatlash choralari va raqamli transformatsiya, jumladan, sun’iy intellektni joriy etish masalalarini muhokama qiladi. Alohida sessiyalar hududlarning madaniy kodiga tayangan holda kuchli destinatsiya brendlarini yaratishga, shuningdek, BRIKS va Global Janub bozorlarida ishlash xususiyatlariga bag‘ishlanadi.
Iqtisodiy blokda rentabellikni boshqarish, pul oqimidagi uzilishlarning oldini olish va nostandart daromad manbalarini izlash masalalari ko‘rib chiqiladi. Biznes-modelning evolyutsiyasiga, ya’ni «odam-soat» sotishdan buyurtmachiga o‘lchanadigan qiymat taqdim etishga o‘tishga alohida e’tibor qaratiladi. Yuqori o‘sish sur’atlarini saqlab qolgan va biznesini muvaffaqiyatli kengaytirgan bozor yetakchilari o‘z tajribasi bilan o‘rtoqlashadi.
«O‘zbekistonlik mutaxassislar uchun MGMC — bu ishbilarmonlik aloqalari geografiyasini kengaytirish, o‘z malakasini namoyish etish, jahon MICE-industriyasi qanday rivojlanayotganini ko‘rish va Moskva bilan zamonaviy MICE-destinatsiya sifatida tanishish imkoniyatidir. Biz uchun esa o‘zbekistonlik hamkasblarning ishtiroki nafaqat Moskva tajribasi bilan o‘rtoqlashish, balki ilg‘or tajribalarni o‘rganish, birgalikda yangi hamkorlik nuqtalarini izlash va professional muloqotni rivojlantirish imkoniyatidir», — deb hisoblaydi «Moskva turizm va mehmondo‘stlikni rivojlantirish bo‘yicha loyiha ofisi» avtonom notijorat tashkiloti (Mosturizm) bosh direktorining ishbilarmonlik turizmini rivojlantirish bo‘yicha birinchi o‘rinbosari Anastasiya Popova.
MGMC har yili trendlarni muhokama qilish va hamkorlik aloqalarini o‘rnatish uchun professional platforma sifatidagi darajasini oshirib, xalqaro MICE-industriyasi uchun sohaviy tadbirlarning yangi mezonini belgilab bermoqda.
«MGMC 2026» haqida batafsil ma’lumot va ro‘yxatdan o‘tish imkoniyati tadbirning rasmiy saytida mavjud.
