Тошкентда 19,6 минг йўловчи йўл ҳақини тўламаган

03.12.2025 | 11:40941 дақиқа

Мониторинг ва назорат қилиш давлат муассасаси ходимларига йўл ҳақини тўламаслик ҳолатлари бўйича жарима баённомаларини тузиш ҳуқуқи берилди.

Тошкентда 19,6 минг йўловчи йўл ҳақини тўламаган

Жорий йилнинг 11 ойида пойтахт жамоат транспортида 19,6 мингдан ортиқ йўловчи йўл ҳақини тўламай ҳаракатлангани аниқланди. Транспорт вазирлигига кўра, бу ҳолат тизимли назоратни кучайтириш ва ҳақ тўлаш интизомини мустаҳкамлаш зарурлигини намоён қилмоқда.

Шу мақсадда Тошкент шаҳар йўловчи ташиш фаолиятини мониторинг ва назорат қилиш давлат муассасаси ҳамда Транспорт назорати инспекцияси томонидан кучайтирилган рейдлар ўтказилмоқда. Рейдлар давомида тўловсиз сафар ҳолатлари қайд этилиб, жамоат транспортида тартибга риоя этилишини таъминлашга қаратилган чоралар амалга оширилмоқда.

Мониторинг ва назорат қилиш давлат муассасаси ходимларига йўл ҳақини тўламаслик ҳолатлари бўйича жарима баённомаларини тузиш ҳуқуқи берилди. Масъулларга бу ваколатнинг берилиши қоидабузарликларга тезкор чора кўриш ва қонунчилик талабларини жойида таъминлаш имконини оширади.

Транспорт вазирлиги бу чоралар жамоат транспортида тўлов интизомини кескин яхшилаши, йўловчилар оқимида шаффофликни таъминлаши ва хизмат сифатини оширишга хизмат қилишини қайд этди.

Теглар

Тошкент транспорт вазирлиги жамоат транспорти Назорат инспекцияси йўл ҳақи

Мавзуга оид

Кеча 14:25

Давлат харидларида 11,2 млрд сўмлик қонунбузилишлар аниқланди

Рақобат қўмитаси давлат харидларида қонунбузилишига йўл қўйган буюртмачи ташкилотларга чора кўрди.

Бугун 11:25

«Тандирбузарлар кейси»: Экологик рейдларда тадбиркор мулки ҳимоя қилиниши шарт — Бизнес-омбудсман

Бизнес омбудсман офисида экорейдлар вақтида тадбиркорлар мулкига зарар етказилгани ҳақида мурожаатлар кўпайгани сабаб, идора ваколатли органларни қонунчиликка риоя этган ҳолда ҳаракат қилишга чақирди.

Бугун 16:55

Автобусларнинг ўртача ҳаракат тезлиги оширилади — Президент қарори

Тошкентда аҳолининг жамоат транспортидан фойдаланиш даражасини 60 фоизга етказиш режалаштирилмоқда.

01.12.2025 | 12:54

Қишки ўқишни кўчириш аризалари 10 январдан қабул қилинади

Ижтимоий тармоқларда қишки ўқишни кўчириш фақат давлат ОТМларида икки турдаги узрли сабаб асосида ва офлайн тартибда 20 декабрдан амалга оширилади деган хабарлар тарқалди. Олий таълим вазирлиги матбуот котиби Назокат Абдуқундузованинг Vaqt.uz га маълум қилишича қабул 10 январдан бошланади.

01.12.2025 | 18:38

Ўзбекистонда 1 кило ош пишириш учун қаерда қанча пул сарфланади?

Палов — нафақат миллий таом, балки иқтисодий кўрсаткич сифатида ҳам қизиқарли таҳлил имконини берувчи маҳсулотлар мажмуаси. Бу худди McDonald’s индексига ўхшайди. Хўш, Ўзбекистонда энг арзон ош қаерда пишади?

Бугун 13:55