Хитой 2030 йилгача одамни Ойга қўндириш режасини тасдиқлади
Хитой расмийлари мамлакат 2030 йилгача одамни Ойга қўндириш лойиҳаси режали кетаётганини маълум қилди. Шунингдек, «Тиангонг» орбитал станциясига навбатдаги астронавтлар экипажини юборилади.
Жиучюан космодромида ўтказилган матбуот анжуманида Хитойнинг Инсон парвози дастури матбуот котиби Жанг Жингбо мамлакатнинг Ойга одам қўндириш лойиҳаси босқичма-босқич амалга оширилаётганини таъкидлади. Унинг сўзларига кўра, «Чанжэн-10» (Катта қадам 10) ракета ташувчиси, Ой юзасида фойдаланиладиган махсус кийимлар ва тадқиқот транспорт воситалари бўйича ишлар режага мувофиқ кетмоқда.
«2030 йилгача Хитойликни Ойга қўндириш мақсадимиз аниқ ва ўзгармас», — деди Жанг Жингбо.
Шу билан бирга, мамлакат «Тиангонг» («Осмон саройи») орбитал станциясидаги илмий миссияни давом эттириш учун навбатдаги астронавтлар гуруҳини юборишга тайёрланмоқда. Ҳар бир экипаж станцияда олти ойдан хизмат қилади ва турли илмий тадқиқотлар олиб боради.
Янги экипаж таркибига Жанг Лу, У Фэй ва Жанг Ҳонгжанг киради. Улар жума куни соат 23:44 да Жиучюан старт майдонидан парвоз қилади. Чжан Лу илгари «Шэнжоу-15» миссиясида қатнашган бўлса, У Фэй ва Жанг Ҳонгжанг учун бу илк космик парвоз бўлади.
Бу миссия доирасида астронавтлар икки эркак ва икки урғочи мушуксимон хомякни ҳам олиб чиқади — улар орқали вазнсизлик ва ёпиқ муҳитнинг биологик таъсири ўрганилади.
Хитой «Тиангонг» станциясини АҚШнинг хавфсизлик хавотирлари туфайли халқаро космик станция лойиҳасидан чиқарилгандан сўнг ишлаб чиққан. Мамлакат бу орбитал станция орқали мустақил космик тадқиқотлар олиб бориш ва глобал илмий ҳамкорликда етакчилик қилишни мақсад қилган.
