Andijonda 2 mlrd dollarlik loyihalar ishga tushirildi

Бугун 18:202 дақиқа

Marosimda umumiy qiymati 9,4 mlrd dollar bo‘lgan 206 ta loyiha qamrab olindi. 7 mlrd 350 million dollarlik 108 ta loyihaning qurilishi boshlandi.

Andijonda 2 mlrd dollarlik loyihalar ishga tushirildi

Prezident Shavkat Mirziyoyev Andijon viloyatiga tashrifi doirasida yangi investitsiya loyihalarini ishga tushirish va ularning qurilishiga start berish marosimida ishtirok etdi.

Ushbu loyihalar energetika, qurilish, to‘qimachilik, mashinasozlik, ta’lim, turizm, logistika, farmatsevtika va sog‘liqni saqlash kabi muhim sohalarni qamrab olgan. Ular viloyatning barcha 16 ta shahar va tumanida amalga oshiriladi.

Xususan, paxta-to‘qimachilik klasteri, elektr energiyasini saqlash va taqsimlash tizimi, mebelsozlik va charm-poyabzal sanoat zonalari, elektr avtobuslar, quyosh panellari va mikrogidroenergetika uskunalari ishlab chiqarish, shuningdek, zamonaviy ta’lim va tibbiyot markazlari faoliyati yo‘lga qo‘yilmoqda.

Yangi loyihalar doirasida zamonaviy turarjoy majmualari, xalqaro logistika va turizm markazlari, gidroelektrstansiyasi, chiqindilarni qayta ishlash orqali elektr energiyasi ishlab chiqarish korxonasi, transport vositalari va yuk vagonlari ishlab chiqarish quvvatlarini barpo etish ko‘zda tutilgan.

Loyihalar Xitoy, Turkiya, Janubiy Koreya, AQSH, Rossiya, Belarus, Germaniya, Hindiston, Birlashgan Arab Amirliklari va Tojikiston kompaniyalari hamda mahalliy investorlar bilan hamkorlikda amalga oshirilmoqda.

Ularning ro‘yobga chiqarilishi natijasida 45 mingdan ziyod yangi ish o‘rni yaratiladi, yiliga 60,6 trillion so‘mlik mahsulot ishlab chiqarish va 533 million dollarlik eksport imkoniyati shakllanadi.

Marosimda viloyatning barcha shahar va tumanlaridan mas’ullar, xorijlik hamkorlar va tashabbuskorlar videoaloqa orqali ishtirok etdi. Ular loyihalarning ahamiyati, amalga oshirish jarayoni va ishga tushirish muddatlari haqida axborot berdi. Davlat rahbari mazkur tashabbuslarni amalga oshirishda ishtirok etayotgan xorijlik hamkorlar va mahalliy tadbirkorlarga minnatdorlik bildirdi.

Eslatib o‘tamiz, avvalroq Andijonda kichik GESlar uchun zamonaviy uskunalar ishlab chiqarilishi haqida yozgan edik. To‘liq xorijiy investitsiyalar hisobiga amalga oshirilayotgan loyihaning umumiy qiymati 20 mln dollarni tashkil etadi.

Теглар

Shavkat Mirziyoyev dollar investitsiya loyihalari eksport sanoat Andijon ish o‘rinlari

Мавзуга оид

Кеча 15:05

Rossiya Qozog‘istondan O‘zbekiston bug‘doy bozorini tortib olishga harakat qilmoqda — «Eurasia»

Tahlilchilarga ko‘ra, Qozog‘istonning mahalliy ishlab chiqaruvchilarni himoya qilish maqsadida Rossiya doniga qo‘ygan taqiqi teskari natija bergan. Rus bug‘doyi esa hatto tranzit xarajatlari bilan ham O‘zbekiston bozoriga arzonroq kirib kelmoqda.

Бугун 08:00

«BYD» 183 mingdan ortiq avtomobilini qaytarib olmoqda

Kompaniyaning «Qin» va «Tang» seriyalariga kiruvchi avtomobillarda tormoz pedali bilan bog‘liq nuqson aniqlangan.

Кеча 21:13

O‘zbekistonda elektromobillar soni 122 mingdan oshdi: Ularning 72 foizi Toshkentda harakatlanmoqda

O‘zbekistonga olib kirilgan jami yengil avtomobillarning 71 foizini elektromobillar tashkil etdi va ushbu importning qariyb 96 foizi yagona davlat — Xitoy tomonidan ta’minlandi.

Бугун 14:35

Andijonda kichik GESlar uchun zamonaviy uskunalar ishlab chiqariladi

To‘liq xorijiy investitsiyalar hisobiga amalga oshirilayotgan loyihaning umumiy qiymati 20 mln dollarni tashkil etadi. Loyiha doirasida 200 ta yangi ish o‘rni yaratiladi. Mahsulotlarni Qozog‘iston, Qirg‘iziston va Tojikistonga eksport qilish, yillik eksport hajmini 3 mln dollarga yetkazish rejalashtirilgan.

Бугун 13:05

Prezident Andijonga borib, xalqaro aeroportning rekonstruksiya ishlari bilan tanishdi

Aerodrom majmuasini qayta ta’mirlash loyihasining umumiy qiymati 1,1 trln so‘mni tashkil etadi. Birinchi bosqichda aeroport infratuzilmasi tubdan yangilandi. Uchish-qo‘nish yo‘lagi 3,3 kilometrgacha uzaytirilib, kengligi 60 metr bo‘lgan yangi 4E toifali yo‘lak barpo etildi. Shuningdek, 10 ta havo kemasiga mo‘ljallangan to‘xtash joylari va rullash yo‘laklari qurildi.

Кеча 19:30