AQSHda lotereyada 847 mln dollar yutib olindi. G‘olib aslida qancha pul oladi?
Katta miqdordagi yutuqdan federal soliq sifatida 24 foiz, shtat solig‘i sifatida esa 8 foiz ushlab qolinadi. Bu qoida 500 ming dollardan ortiq yutuqlarga nisbatan qo‘llanadi. Shu bilan birga, federal soliqning 24 foizlik ushlanmasi yakuniy soliq miqdori emas. Shu sababli, keyinchalik to‘lanadigan soliq yanada yuqori bo‘lishi mumkin.
© Foto: ShutterstockAQSHning Nyu-Jersi shtatida sotilgan «Powerball» lotereyasi chiptasi 4-noyabr kuni o‘z egasiga 847 million dollar yutuq olib keldi.
«Powerball» — AQSHdagi eng yirik lotereyalardan biri. Bosh sovrinni qo‘lga kiritish uchun ishtirokchi beshta asosiy raqam va bitta qo‘shimcha raqamni to‘g‘ri topishi kerak. Ushbu g‘alaba qariyb uch oy davom etgan, hech kim barcha raqamlarni to‘g‘ri topa olmagan davrga yakun yasadi.
«New York Post» nashrining xabar berishicha, g‘olib 847 million dollarlik bosh sovrinni 29 yil davomida bo‘lib-bo‘lib olishi yoki soliqlar to‘lanishidan oldin 363,1 million dollar miqdorida bir yo‘la olishni tanlashi mumkin.
Nyu-Jersi shtati lotereyasi ma’lumotlariga ko‘ra, katta miqdordagi yutuqdan federal soliq sifatida 24 foiz, shtat solig‘i sifatida esa 8 foiz ushlab qolinadi. Bu qoida 500 ming dollardan ortiq yutuqlarga nisbatan qo‘llanadi. Shu bilan birga, federal soliqning 24 foizlik ushlanmasi yakuniy soliq miqdori emas. Shu sababli, keyinchalik to‘lanadigan soliq yanada yuqori bo‘lishi mumkin.
Agar g‘olib 363,1 million dollarlik bir martalik to‘lovni tanlasa, barcha soliqlar hisoblanib to‘langanidan keyin uning qo‘lida taxminan 190 million dollar qolishi mumkin.
Agar u 847 million dollarlik bosh sovrinni 29 yil davomida bo‘lib-bo‘lib olishni ma’qul ko‘rsa, barcha soliqlar to‘langanidan keyin jami taxminan 450 million dollarga ega bo‘ladi.
Bu Nyu-Jersida sotilgan lotereya chiptasi «Powerball» bosh sovrinini olib kelgan 12-holatdir. Bungacha bunday voqea 2024-yil 10-iyunda sodir bo‘lgan. O‘shanda ismini oshkor qilmagan g‘olib 222,6 million dollar yutib olgan.
Nyu-Jersi qonunlariga ko‘ra, lotereya g‘oliblari o‘z shaxsini istalgan muddat davomida sir saqlash huquqiga ega.
Ushbu yutuq «Powerball» tarixi davomidagi eng yirik sovrinlar orasida to‘qqizinchi o‘rinni egalladi. O‘sha kungi o‘yinga qadar «Powerball» bosh sovrini oxirgi marta 2026-yil 12-avgustda o‘ynalgan edi. O‘shanda Illinoys shtatida sotilgan chipta egasi 1,04 milliard dollar yutib olgan. U g‘olib ham ismini sir saqlashni tanlagan va 450,5 million dollarlik bir martalik to‘lovni olgan.
