Biznes uchun — 50% chegirma va 0% komissiya: Octobank va Felix Accountant foydali taklifni ishga tushirdi

Taklif 15-dekabrgacha amal qiladi.

Octobank mijozlariga — buxgalteriya masalalarida yordam

Maxsus taklif doirasida bank mijozlariga buxgalteriya hisobi bo‘yicha bepul birlamchi maslahat olish imkoniyati taqdim etiladi. U bir marta taqdim etiladi.

Keyingi hamkorlik uchun quyidagilar nazarda tutilgan:

· Bir oylik bepul buxgalteriya hisobi — Octobank’da hisob raqami ochgan yangi kompaniyalar uchun, ro‘yxatdan o‘tgan kundan boshlab dastlabki 10 kun ichida;

· Buxgalteriya kuzatuviga 50% chegirma — taklif muddati davomida ulangan amaldagi kompaniyalar — bankning korporativ mijozlari uchun. Chegirma ulanish sanasidan boshlab uch oy davomida, hatto bu muddat 15-dekabrdan keyin ham amal qiladi.

Felix Accountant mijozlariga — Octobank’da uch oylik imtiyozli xizmat

Bankda hisob raqami ochishda mijozlarga quyidagi xizmatlar taqdim etiladi:

· HKKX — 0% komissiya uch oy davomida;

· ish haqi loyihasi — 0% komissiya uch oy davomida.

Taklif amal qiladigan davrda xizmatga ulangan sanadan boshlab taqdim etiladi va ushbu muddat 15-dekabrdan keyin ham tugasa, uch oy davomida amal qiladi.

«Bizga ko‘pincha buxgalteriya va soliq hisobini yo‘lga qo‘yishi kerak bo‘lgan tadbirkorlar murojaat qilishadi. Bu ishda muntazam ravishda bank bilan bog‘liq vazifalar yuzaga keladi: kontragentlar bilan hisob-kitoblar, mijozlardan tushumlar, ish haqini to‘lash va bank ko‘chirmalari bo‘yicha operatsiyalarni aks ettirish. Octobank bilan muvaffaqiyatli hamkorlikni yo‘lga qo‘ydik va har ikki tomon mijozlari uchun qulay shartlarni taklif eta oldik», — deya ta’kidlashdi Felix Accountant.

Batafsil ma’lumot va ishtirok etish shartlari — +998 71 202 33 33 telefon raqami orqali hamda bank saytida.