Чекка ҳудудлардаги мактабларда шарқ тиллари ўқитилади: ёш мутахассисларни жалб қилиш дастури ишга тушди

Бугун 08:001 дақиқа

Иштирокчиларга қўшимча маош ва халқаро мақом берилади.

Чекка ҳудудлардаги мактабларда шарқ тиллари ўқитилади: ёш мутахассисларни жалб қилиш дастури ишга тушди

Ўзбекистоннинг олис ва чекка ҳудудларидаги мактабларда хорижий тиллар, хусусан, шарқ тилларини ўқитиш сифатини ошириш мақсадида ёш мутахассислар жалб этилади. Бу ҳақда «Teach for Uzbekistan» (TFU) лойиҳаси ва Тошкент давлат шарқшунослик университети (ТДШУ) ўртасида имзоланган ҳамкорлик меморандумида маълум қилинди.

Келишувга мувофиқ, Тошкент давлат шарқшунослик университетининг иқтидорли битирувчилари чекка ҳудудлардаги мактабларга махсус икки йиллик «Fellowship» дастури доирасида йўналтирилади. Ёш мутахассислар мазкур мактабларда тўлиқ ставкада дарс бериши белгиланган. Бундан ташқари, улар педагогика ва бошқарув йўналишлари бўйича ташкил этиладиган интенсив тренингларда ҳам иштирок этади.

Мазкур дастур иштирокчиларини қўллаб-қувватлаш тизими ҳам ишлаб чиқилган. Унга кўра, мактабларда фаолият юритаётган ёш ўқитувчиларга асосий иш ҳақи билан бир қаторда, қўшимча молиявий ва методик кўмак кўрсатилади.

Дастур якунида уни муваффақиятли тамомлаган иштирокчилар дунёнинг 60 дан ортиқ мамлакатини бирлаштирган «Teach For All» халқаро тармоғи битирувчилари мақомини қўлга киритади.

Таъкидланишича, мазкур ҳамкорлик чекка ҳудудларда таҳсил олаётган ўқувчиларнинг билимини ошириш ва хорижий тилларни ўзлаштириш имкониятларини кенгайтиришга хизмат қилади. Шунингдек, лойиҳа доирасида чекка жойлардаги мактабларда тил клублари ҳамда турли ижтимоий лойиҳаларни ривожлантириш кўзда тутилган.

Теглар

чекка ҳудудлар таълим янгиликлари Ўзбекистон.мактаб таълими ёш мутахассислар шарқ тиллари Teach for Uzbekistan ТДШУ Fellowship дастури ўқитувчиларга кўмак

Мавзуга оид

Кеча 21:10

Эрта никоҳ учун белгиланган жарималар миқдори оширилди

Энди вояга етмаган шахс билан никоҳ муносабатига киришганлар 6,6 миллион сўмгача, фарзандини эрта турмушга берган ота-оналар 11 миллион сўмгача, расмий қайд этилмаган диний никоҳни ўтказганлар эса 22 миллион сўмгача жарима тўлайди.

Кеча 17:20

Ўзбекистон бўйлаб саёҳат қилиш қанчага тушади?

Куз — саёҳатлар учун энг қулай фасл, аммо кўпчилик харажатлар сабаб дам олишни кейинга суради. Vaqt.uz ушбу мақолада ўзбекистонликлар ички туризм учун қанча харажат қилишини Тошкент–Бухоро йўналиши мисолида ўрганди.

Кеча 16:22

«Saneg» компаниясининг Ўзбекистондаги нефт конлари бўйича лицензиялари бекор қилинди

Фарғона нефтни қайта ишлаш заводининг 100 фоиз давлат улуши 2022-йилнинг май ойида 100 млн доллар эвазига «Саноат энергетика гуруҳи» МЧЖ компаниясига сотилганди. Бироқ, инвесторнинг бошқа лойиҳаларидаги молиявий қийинчиликлари сабабли харид тўловлари кетма-кет уч ой амалга оширилмаган.

Кеча 11:12

Қашқадарёда янги газ кони топилди

Ғузор туманидаги «Бурисой» конида қудуқ синовлари давомида саноат миқёсида газ ва конденсат оқими олинди. Қудуқдан кунига 400 минг куб метргача газ олинмоқда.

Кеча 19:24

Рақобат қўмитаси такси нархлари ошгани бўйича ўрганиш бошлади

Рақобат қўмитаси йирик агрегаторлар (Yandex, Uklon, MyTaxi) фаолиятидаги носозликлар ва инсофсиз рақобат ҳолатлари бўйича текширув бошлади.

Кеча 20:20

Тошкентда тўртта туман ҳокими алмашди: Нилуфар Аллабергенова бошқа ишга ўтди

15 октябрь куни Тошкент шаҳрининг Яшнобод, Янгиҳаёт, Чилонзор ва Яккасарой туманларида ҳокимлар билан боғлиқ кадрлар ўзгариши юз берди. Яккасаройнинг собиқ ҳокими Нилуфар Аллабергенова эса шаҳар прокурори ўринбосари лавозимига тайинланди.