Eron Yaqin Sharqdagi Amerika bazalarining yarmini vayron qildi
Tramp ma’muriyati kutmagan zarba berildi: Eron raketalari va dronlari AQSHning Yaqin Sharqdagi 17 ta muhim obyektiga, jumladan, eng qimmatbaho havo hujumidan mudofaa tizimlariga jiddiy talafot yetkazdi.
«New York Times» nashrining xabar berishicha, Isroil va AQSHning Eronga qarshi qo‘shma amaliyotlari boshlanganidan beri Eron tomonidan yo‘llangan zarbalar natijasida kamida 17 ta Amerika harbiy, diplomatik va havo hujumidan mudofaa obyektlari zarar ko‘rgan.
Eng qimmat yo‘qotishlar va bazalar
Zarar ko‘rgan obyektlarning 11 tasi harbiy bazalar yoki qurilmalar bo‘lib, bu AQSHning mintaqadagi jami harbiy obyektlarining qariyb yarmini tashkil etadi. Eng katta moliyaviy yo‘qotishlar havo hujumidan mudofaa tizimlari hissasiga to‘g‘ri keldi:
Qatar: Umm Dahal hududidagi qiymati 1,1 mlrd dollarlik erta ogohlantirish radiolokatsiya stansiyasi ishdan chiqqan.
THAAD tizimi: Eron AQSHning eng zamonaviy THAAD raketaga qarshi mudofaa tizimi elementlariga ham aniq zarba berishga muvaffaq bo‘lgan.
Bahrayn: AQSH Harbiy-dengiz kuchlari Beshinchi floti shtab-kvartirasiga berilgan zarba miqdori 200 mln dollarga baholanmoqda.
Diplomatik inqiroz
Eronning hujumlari nafaqat harbiy, balki diplomatik obyektlarni ham nishonga oldi. Buning natijasida Dubaydagi konsullik, Kuvayt va Ar-Riyoddagi elchixonalar vaqtincha yopildi. Hujumlar oqibatida jabrlanganlar yo‘q, biroq AQSH rasmiylari Eron urushga Tramp ma’muriyati kutganidan ko‘ra ancha yaxshiroq tayyorgarlik ko‘rganini tan olmoqda.
