Ижара даромадидан тушган солиқлар тўлиқ маҳаллий бюджетга йўналтирилади

30.11.2025 | 15:162041 дақиқа

2026 йилдан жисмоний шахсларнинг ижарадан олган даромадлари учун тўлаган солиқлари тўлиқлигича мулк жойлашган туман ёки шаҳар бюджетига ўтказилади.

Ижара даромадидан тушган солиқлар тўлиқ маҳаллий бюджетга йўналтирилади

Президент қарорига кўра, 2026 йил 1 январдан бошлаб жисмоний шахсларнинг кўчмас мулкларни ижарага беришдан олган даромадларидан тўланадиган солиқ тўлиқ ҳажмда мулк жойлашган туман ёки шаҳар маҳаллий бюджетларига йўналтирилади.

Янги қоидалар солиқ муносабатларини шаффоф ва манзилли ташкил этишни мақсад қилган. Шу доирада 2026 йилдан «Очиқ бюджет» порталида «Жисмоний шахсларнинг солиқлари ҳисобидан харажатлар» деб номланган янги модул ишга туширилади. Унда фуқаролар томонидан тўланган даромад солиғи, мол-мулк ва ер солиғи миқдори, шунингдек, ушбу солиқлар ҳисобидан амалга оширилган бюджет харажатлари доимий равишда эълон қилиб борилади.

Шунингдек, кейинги йилдан Наманганда янги солиқ бошқаруви моделини синовдан ўтказиш бўйича эксперимент бошланади. Унда жисмоний шахслардан олинадиган мол-мулк ва ер солиғи бўйича 1 миллион сўмдан ортиқ қарздорликни ундиришда электр энергиясининг биллинг тизими механизмидан фойдаланиш назарда тутилган.

Шу билан бирга, солиқ органлари фаолиятини баҳолашда инсон омили таъсирини камайтириш мақсадида автоматик тарзда шаклланадиган самарадорлик кўрсаткичларидан фойдаланиш амалиёти давом эттирилади.

Теглар

Президент қарори маҳаллий бюджет ижара солиғи

Мавзуга оид

02.12.2025 | 19:58

ChatGPT мамлакатда энг кўп юклаб олинган илова сифатида етакчиликни сақлаб қолди

Ноябрда Ўзбекистонда энг кўп юкланган иловалар рейтингида ChatGPT биринчи ўринни сақлаб қолди ва бозорда миллий сервислар улуши ва финтех платформаларининг аҳамияти сезиларли ошди.

28.11.2025 | 13:25

Тошкент давлат юридик университети Янги Тошкентга кўчирилади

Президент қарорига мувофиқ, Тошкент давлат юридик университети Янги Тошкентга кўчирилиб, халқаро стандартларга мос янги марказ, дуал таълим тизими ва қатор ҳуқуқий марказлар ташкил этилади. Амалдаги биноларига қайси ташкилотлар жойлаштирилади?

Кеча 10:55

Кореяда ишни тарк этиш фуқароларга қимматга тушмоқда

Кореяда Е-7 ва Е-9 визаларида ишлаётган ўзбекистонликлар иш жойини норасмий ишларга алмаштирса, катта жарима, депортация ва имтиёзларни йўқотиш каби оғир оқибатларга дуч келмоқда.

Кеча 08:25

Криптовалюта эмас криптопул: 66 та хорижий атаманинг ўзбекча муқобили тасдиқланди

Янги рўйхатдаги сўзлар орасида халқ орасида кенг тарқалган «вертолёт» сўзи «тикучар», «негатив» сўзи «салбий», «пенаблок» сўзи «пўкак ғишт», «раковина» сўзи эса «чаноқ» деб таржима қилинди.

Кеча 17:01

Эркинжон Турдимов Сирдарё вилояти ҳокими этиб тайинланди

Шавкат Мирзиёев Сирдарё вилояти ҳокими лавозимига ҳоким вазифасини бажараётган Эркин Турдимовни тавсия этди. Вилоят Кенгаши депутатлари маъқуллашди.

30.11.2025 | 17:30

Тошкентда ҳавони ифлослантирган 100 дан ортиқ объект фаолияти тўхтатилди

Махсус комиссия ўтказган рейдлар давомида иссиқхона, қурилиш ва транспорт соҳаларида қатор қоидабузарликлар аниқланиб, юзлаб масъул шахсларга маъмурий чоралар кўрилди.