ЖЧ-2026. 10 та гол урилган «очиқ эшиклар куни»да Англия Францияни мағлуб этиб, 3-ўринни қўлга киритди

2026 йилги Жаҳон чемпионатида 3-ўрин учун кечган баҳс голлар шоусига айланиб кетди.

Англиянинг биринчи бўлимда урган 4 та голига Франция иккинчи бўлимда 3 бор жавоб бериб, интригани қайтарди. Якунда эса ҳар икки жамоа яна тўп киритиб, умумий голлар сонини икки хонали рақамга айлантиришди. Беллашувда Сака ҳет-трикка, Мбаппе дублга эришди.

Шу тариқа Англия ўз тарихида илк бор Жаҳон чемпионатининг бронза медалига сазовор бўлди. Франция эса Дешамнинг миллий жамоадаги сўнгги ўйинида ютқазиб, медалсиз қолди.

Французлар етакчиси Мбаппе мундиаллардаги голларини 22 тага етказиб, Мессини (21) ортда қолдирган ҳолда мутлақ рекордчига айланди.

19 июл кунги финалда Аргентина ва Испания жаҳон чемпионлиги учун майдонга тушишади.

ЖЧ-2026. 3-ўрин учун баҳс
Франция — Англия 4:6
18 июл. Майами
Голлар: Мбаппе (48, 66), Барколя (54), Дембеле (90+6) — Райс (3), Конса (18), Сака (37, 45+1, 87 пеналти), Беллингҳэм (90+8).
Франция — Менян, Гюсто (Кунде, 90+1), Конате (Упамекано, 46), Лакруа, Эрнандес (Дин, 46), Рабио, Заир-Эмери, Дуэ (Барколя, 46), Шерки (Дембеле, 46), Олисе, Мбаппе.
Англия — Ҳендерсон, Кванса (Жеймс, 83), Конса, Геҳи (Чалоба, 90+3), Спенс, Райс, Эзе (Беллингҳэм, 79), Сака, Рэшфорд (Уоткинс, 46), Рожерс, Тоуни (Андерсон, 79).