ЖЧ-2026. Аргентина камчиликда қолган Швейцарияни қўшимча бўлимларда мағлуб этиб, яримфиналга чиқди

Жаҳон чемпионатида чоракфинал босқичи якунига етди.

Сўнгги жуфтликда амалдаги чемпион Аргентина Швейцария билан тўқнаш келиб, қўшимча бўлимларда Алварес ва Мартинеснинг голлари эвазига ғалабани илиб кетди.

Эътиборлиси, европаликлар 72-дақиқадан бошлаб камчиликда ҳаракат қилишди — Эмболо қўполлик ва симуляция учун сариқ карточкалар олди.

Аргентина финал йўлланмаси учун 15 июл куни Англия билан ўйнайди. Биринчи яримфиналда эса 14 июл санасида Франция ва Испания ўзаро тўқнаш келади.

Шу тариқа турнир тарихида илк бор яримфиналга FIFA рейтингида дастлабки 4 ўринни эгаллаб турган энг кучли жамоалар етиб келишди.

ЖЧ-2026. 1/4 финал
Аргентина — Швейцария 3:1
11 июл, Канзас
Голлар: Мак Аллистер (10), Алварес (112), Лаутаро Мартинес (120+1) — Ндойе (67).
Аргентина — Эмилиано Мартинес, Молина (Монтиэл, 85), Ромеро (Отаменди, 106), Лисандро Мартинес, Таляфико (Гонсалес, 78), Паредес (Лопес, 110), Де Паул (Лаутаро Мартинес, 85), Фернандес (Алмада, 91), Мак Аллистер, Месси, Алварес.
Швейцария — Кобел, Закариё (Яшари, 96), Элведи, Аканжи, Родригес (Жўмарт, 90+5), Фройлер (Варгас, 115), Жака, Соу (Видмер, 86), Ридер (Муҳейм, 86), Ндойе (Амдуни, 86), Эмболо.
Огоҳлантиришлар: Эмболо (44), Алмада (97), Лаутаро Мартинес (98), Лопес (114).
Четлатиш: Эмболо (72).