Ўзбекистон 9 ойда 1,3 млрд долларлик мева-сабзавот экспорт қилди
Йилнинг январь–сентябрь ойларида хорижга 1,5 млн тоннадан ортиқ мева-сабзавот етказиб берилди.
Ўзбекистонда жорий йилнинг тўққиз ойи давомида хорижий давлатларга қиймати 1,3 миллиард АҚШ долларига тенг бўлган 1,5 миллион тоннадан ортиқ мева ва сабзавот маҳсулотлари етказиб берилди. Бу ҳақда Миллий статистика қўмитаси маълум қилди.
Қўмитанинг қайд этишича, 2026-йилнинг январ–сентябр ойлари оралиғида жами 1 миллион 560,6 минг тонна қишлоқ хўжалиги маҳсулотлари экспорт қилинган. Умумий экспорт таркибида энг катта улушни сабзавотлар эгаллаган.
Экспорт таркиби ва асосий кўрсаткичлар
Тўққиз ойлик экспорт ҳажмининг батафсил таркиби қуйидагича шаклланган:
Сабзавотлар — 557,2 минг тонна (энг юқори кўрсаткич);
Мева ва резаворлар — 393 минг тонна;
Тарвуз ва қовун — 206,3 минг тонна;
Мош — 36,8 минг тонна;
Ерёнғоқ ва ёнғоқлар — 16,7 минг тонна;
Бошқа турдаги маҳсулотлар — 350,6 минг тонна.
Маълумот учун, 2026-йилнинг январ-июл ойларида Ўзбекистондан 1,28 млн тонна мева-сабзавот маҳсулотлари экспорт қилинганди.
