Ўзбекистон ва Озарбойжон Иброҳим келишувлари арафасида — Reuters

Бугун 22:593681

Иброҳим келишувлари 2020 йилда Исроил, БАА, Баҳрайн ҳамда Марокаш ўртасида АҚШ воситачилигида яҳудий давлати ва араб давлатлари ўртасидаги муносабатларни илиқлаштириш мақсадида имзоланган.

Озарбойжон ва Ўзбекистон Қозоғистондан кейин Иброҳим келишувларига қўшилиши мумкин бўлган кейинги давлатлар бўлиши эҳтимоли бор. Бу ҳақда Reuters агентлиги ва Atlantic Council маркази хабар берди.

Қайд этилишича, Қозоғистон Исроил ва араб давлатлари ўртасидаги муносабатларни илиқлаштиришга кўмаклашадиган Иброҳим келишувларига қўшилганидан сўнг, халқаро ҳамжамиятнинг эътибори мазкур жараённинг кенгайиш имкониятларига қаратилган. Битимга қўшилиш учун эҳтимолий номзодлар қаторида Ўзбекистон ва Озарбойжон кўриб чиқилмоқда.

Reauters'нинг хабар беришича, АҚШ президенти Доналд Трамп Қозоғистон келишувга қўшилишдан манфаатдор бўлган ягона давлат эмаслигини айтган.

Ўз навбатида, Atlantic Council таҳлилчилари Қозоғистоннинг қўшилиши бу жараённинг бошланиши, холос, деб таъкидлаяпти.

Экспертларнинг ёзишича, Озарбойжон ва Ўзбекистон сингари Кавказ ҳамда Марказий Осиёнинг кўплаб туркий давлатлари ҳам Иброҳим келишувларига қўшилишга қизиқиш билдирган.

Уларнинг фикрича, бунинг сабаби АҚШ ва Исроил билан муносабатларни мустаҳкамлаш, шунингдек, халқаро алоқаларни диверсификация қилиш истаги билан боғлиқ.

Маълумот учун: Иброҳим келишувлари 2020 йилда Исроил, БАА, Баҳрайн ва Марокаш ўртасида АҚШ воситачилигида яҳудий давлати ва араб давлатлари ўртасида дипломатик муносабатлар ўрнатиш мақсадида имзоланган. 2021 йилда келишувларга Судан, кейинчалик эса Миср ҳам қўшилди.

Теглар

АҚШ Исроил Ўзбекистон дипломатия Озарбойжон Иброҳим келишувлари

Мавзуга оид

Бугун 16:25

Мисрлик Холид Ал-Анани UNESCO'нинг янги раҳбари бўлди

Самарқандда бўлиб ўтган UNESCO конференсиясида мисрлик Холид Ал-Анани тўрт йиллик муддатга ташкилотнинг янги бош директори этиб сайланди. У Одри Азуленинг ўрнини эгаллайди.

03.11.2025 | 16:55

«Жосуслик қилмоқда» — Исроил армияси зобитлардан Хитой автомобилларини қайтариб олмоқда

Исроил мудофаа армияси (ЦАҲАЛ) юқори унвонли зобитларга берилган Хитойда ишлаб чиқарилган хизмат автомобилларини хавфсизлик хавотирлари туфайли қайтариб олишни бошлади. Тақиқ асосан Chery ва BYD каби моделларга тааллуқли бўлди.

02.11.2025 | 08:58

Трамп Венесуэла соҳилларига 16 минглик ҳарбий гуруҳ жўнатди

АҚШ Венесуэла қирғоқларига 16 минг ҳарбийдан иборат катта денгиз гуруҳини йўллади. Экспертлар бу ҳаракатни Вашингтоннинг Кариб минтақасидаги операцияларини кенгайтириш белгиси сифатида баҳоламоқда.

03.11.2025 | 20:38

АҚШ фуқаролари учун визасиз режим жорий этилди

АҚШ фуқаролари учун 30 кунлик визасиз режим 2026 йилдан бошлаб кучга киради.

03.11.2025 | 19:54

«Туркманистон темир йўллари» директори Москвада гиёҳванд моддалар билан ушланди

Бу эҳтимол туркман амалдорининг хорижда ҳибсга олиниши билан боғлиқ биринчи ҳолат бўлса керак.

04.11.2025 | 08:38

Хитой НҚИЗлари Россия нефтининг қарийб ярмига бойкот эълон қилди

Хитойнинг йирик нефт компаниялари — Sinopec ва PetroChina Доналд Трамп маъмурияти жорий этган санкциялар ортидан Россия нефт импортини қисқартирди. Бойкот Москва экспортининг қарийб 45 фоизини қамраб олди.