Ўзбекистонда қор ёғиши кутилмоқда

Бугун 20:341 дақиқа

«Ўзгидромет»га кўра, 10-12 ноябрь кунлари об-ҳаво кескин совийди.

Ўзбекистоннинг шимолий ҳудудларида 9 ноябрь, қолган ҳудудларида эса 10-12 ноябрь кунлари об-ҳавонинг кескин ўзгариши ва ҳарорат пасайиши кутилмоқда. Бу ҳақда «Ўзгидромет» хизмати раҳбари Шерзодхўжа Ҳабибуллахўжа маълум қилди.

Хабарга кўра, мамлакат ҳудудига совуқ ва нам ҳаво массаларининг кириб келиши кузатилади. 9-11 ноябрь кунлари республиканинг катта қисмида ёмғир ёғади, айрим жойларда ёғингарчилик кучли бўлиши мумкин. 10-11 ноябрь кунлари эса шимолий ва тоғли ҳудудларда ёғаётган ёмғир қорга айланиши прогноз қилинмоқда.

Шунингдек, атмосфера фронтлари ўтиши ҳисобига республиканинг айрим ҳудудларида шамол тезлиги сониясига 13-18 метргача кучайиши айтилган. Бунинг ортидан ҳаво ҳарорати аста-секин пасайиб боради.

Хусусан, шимолий ҳудудлар ва чўл зоналарида ҳарорат кечаси -2...-7 даражагача совуқ, кундузи эса +3...+8 даража илиқ бўлади. Қолган ҳудудларда эса кечаси ҳарорат 0...+5 даражагача, баъзи жойларда -1...-2 даражагача совуқ бўлиши, кундузи эса +7...+12 даражагача пасайиши кутилмоқда.

Теглар

ҳарорат пасайиши.қор шамол Ўзгидромет об-ҳаво Ўзбекистон Шерзодхўжа Ҳабибуллахўжа совуқ тушиши ёмғир

Мавзуга оид

Бугун 18:57

Тошкентда ҳаво сифати «яшил» даражага чиқди — Экология қўмитаси

Экологик талабларга риоя қилмаган қурилиш объекти ва корхонага чора кўрилди.

Бугун 18:59

«Iman Invest» можароси: инвесторлар пуллари қандай ҳимояланади?

«Iman Invest» атрофидаги можаро хусусий инвестиция платформаларини назорат қилиш, инвесторлар маблағларини ҳимоялаш ва исломий молия бозорида ишончни сақлаш масалаларини кун тартибига олиб чиқди. «Muomala Time» кўрсатувида экспертлар Искандар Турсунов ва Ҳаётжон Азимов билан айнан шу масалалар муҳокама қилинди.

Бугун 19:53

«Ўзининг ҳайдовчилари билан келмайди» – Хитойнинг «DiDi» такси хизмати Ўзбекистонда фаолият бошладими?

Хитойнинг такси компанияси Ўзбекистон бозорига 5 мингта автомобил билан кириши мумкинлиги ҳақидаги хабардан сўнг, бу «DiDi» экани ҳақида маълумотлар тарқалди. Vaqt.uz бизнес реестри ва компания иловасини ўрганиб, Транспорт вазирлигидан изоҳ олди.

Бугун 13:10

132 та қурилиш компаниясининг шартномасида харидорлар ҳуқуқини чекловчи бандлар аниқланди

Айрим шартномаларда харидор битимни бекор қилса, тўлаган пулининг 4–15 фоизини ушлаб қолиш ёки маблағни хонадон бошқа харидорга сотилгандан кейингина қайтариш шарти белгиланган. Шунингдек, қурувчига уй нархини бир томонлама ошириш имконияти берилган, қурилиш кечиктирилган тақдирда эса компания учун жарима назарда тутилмаган.

Бугун 15:24

Қайси банкларда микроқарз ва автокредит фоизлари энг паст?

Марказий банк мамлакатдаги тижорат банклари таклиф қилаётган микроқарз ва автокредитларнинг янгиланган фоиз ставкаларини маълум қилди.

Бугун 17:47

«TВС Uzbekistan»нинг молиявий натижалари: бизнес мижозлар сонининг ўсиши экотизимнинг ривожланишини кучайтирмоқда

Лондон фонд биржасида рўйхатга олинган «TBC Bank Group» таркибига кирувчи, Марказий Осиёдаги етакчи рақамли молиявий экотизим бўлган «TBC Uzbekistan» 2026-йилнинг учинчи чораги учун МҲХС бўйича консолидациялашган натижаларини эълон қилди.