O‘zbekistonda saratonni erta aniqlash dasturlari uchun yiliga 700 mlrd so‘m ajratiladi

Бугун 12:302 дақиқа

2027-yildan bepul dori vositalari turi 73 taga, tibbiy tekshiruvlar turi esa 36 taga yetkaziladi.

O‘zbekistonda saratonni erta aniqlash dasturlari uchun yiliga 700 mlrd so‘m ajratiladi

O‘zbekistonda 2028-yildan boshlab barcha hududlarda oshqozon, yo‘g‘on ichak, prostata bezi va o‘pka saratonini erta aniqlash ishlari to‘liq joriy etiladi va bu maqsadlar uchun yiliga 700 mlrd so‘m mablag‘ ajratiladi. Bu haqda Prezident Shavkat Mirziyoyevning Ko‘ksaroy qarorgohida sog‘liqni saqlash va farmatsevtika sohasi xodimlari bilan o‘tkazgan uchrashuvida ma’lum qilindi.

Mazkur kasalliklarni erta aniqlash ishlari dastlab Samarqand viloyatidan boshlanishi belgilangan. Shuningdek, qandli diabet, sil, yurak-qon tomir kasalliklari, ayollardagi o‘smalar hamda bolalardagi onkogematologik xastaliklarni erta aniqlash dasturlari ham izchil davom ettiriladi.

Infarkt va insult o‘limi 15 foizga kamaydi

Andijon, Farg‘ona, Namangan, Samarqand va Toshkent shahrida infarkt va insultni erta aniqlash hamda davolash dasturi amalga oshirilishi natijasida ushbu kasalliklardan erta o‘lim ko‘rsatkichi besh oy ichida 15 foizga kamaygan.

Kasallik boshlanishidagi «oltin soat»da 855 nafar inson erta o‘lim va nogironlik asoratlaridan saqlab qolingan. Kelasi yil mazkur dastur uchun 280 mlrd so‘m ajratilib, barcha tuman va shaharlar qamrab olinadi.

Aholi uchun tibbiy xizmatlarning kafolatlangan paketi ham kengaytiriladi. Xususan, kelasi yili bepul dori vositalari turi 73 taga, tibbiy tekshiruvlar turi esa 36 taga yetkaziladi.

Birlamchi tibbiy yordam tizimi yana 100 ta tumanda joriy qilinadi

«Doim aytaman, birlamchi bo‘g‘in qancha yaxshi ishlasa, xalqimiz shuncha sog‘lom bo‘ladi», — dedi Prezident.

Shu maqsadda respublikaning 28 ta tumanida birlamchi tibbiy yordam sifatini oshirish bo‘yicha yangi tizim sinovdan o‘tkazilgan. Ushbu tumanlardagi jami 7 mln aholi oilaviy shifokorlarga nomma-nom biriktirilib, ikki tomonning vazifa va majburiyatlari o‘zaro bitimda belgilab qo‘yilgan.

Tizim doirasida yangi laboratoriyalar ishga tushirilgan, shifokor va hamshiralar maxsus o‘qitilgan va «bemor marshruti» ishlab chiqilgan. Bu jarayonlar poliklinikalarga bo‘lgan aholi ishonchini oshirishga xizmat qilgan. Hozirgi kunda kafolatlangan paket doirasida ambulator bemorlarga 69 turdagi dori vositasi bepul berilmoqda.

Birlamchi bo‘g‘inda samara bergan ushbu model kelasi yildan boshlab yana 100 ta tumanda yo‘lga qo‘yilishi tasdiqlandi.

Теглар

saraton infarkt insult tibbiyot onkologiya

Мавзуга оид

Кеча 22:22

O‘zbekiston hukumati yopiq qaror bilan shakar importiga kvota va zavodlarga imtiyozlar berdi

Otabek Bakirov yopiq qarorlar ortida ma’lum bir manfaatdor guruhlar turishini ta’kidladi. «O‘zbekistonda biron-bir yopiq qaror yo‘qki, uning ortida kimdir yo qaysidir to‘da turmasa. Shakar importini kvotalash bo‘yicha yopiq qaror ham bundan istisno bo‘lmagan», — deb yozdi u.

Кеча 18:20

Toshkentda poyezd va metroni bog‘lovchi «Choshtepa» temiryo‘l bekati ishga tushirildi

23-oktabrdan ushbu bekat orqali kuniga 10 ta yo‘nalish bo‘yicha qatnovlar va metroga qulay o‘tish imkoni yo‘lga qo‘yildi.

Кеча 22:30

O‘chirilgan video, ochiqlangan hujjatlar: «Iman Invest» atrofida nimalar bo‘lyapti?

Mahmud Usmon moliyaviy hujjatlarni e’lon qilganidan ko‘p o‘tmay, kompaniya asoschisining videomurojaati rasmiy sahifalardan olib tashlandi. Xo‘sh, ochiqlangan hujjatlarda nimalar aks etgan, tomonlar bir-birini nimada ayblamoqda va IMAN Holding Kuzatuv kengashi bu vaziyatga qanday munosabat bildirdi?

Кеча 19:10

Kino sohasida davlat buyurtmasi bekor qilinadi: «O‘zbekfilm» 10 gektarda klaster barpo etadi

Kino sohasi subsidiyalash mexanizmiga o‘tadi, bo‘sh turgan davlat aktivlari ochiq savdoga chiqariladi.

25.10.2026 | 12:36

Vizasiz yo‘nalishlar soni kamaydi: O‘zbekiston 2030-yilgacha 50 ta davlat bilan vizasiz rejim o‘rnata oladimi?

O‘zbekiston pasporti xalqaro reytingda biryo‘la 9 pog‘onaga pastlab, 82-o‘ringa tushdi. Bu o‘zgarish mamlakat fuqarolarining vizasiz sayohat imkoniyatlari va O‘zbekiston pasportining xalqaro mavqei haqidagi savollarni keltirib chiqardi. Shu sababli Vaqt.uz O‘zbekiston pasporti reytingda nega pastlagani va so‘nggi besh yilda qanday o‘zgarishlar kuzatilganini tahlil qildi.

Кеча 21:20

O‘zbekistonliklar uchun Misrga kirishning yangi tartibi 2027-yilgacha kechiktirildi

O‘zbekistonliklarning Misrga sayohat qilishi uchun 5000 dollargacha naqd pul va yaqin qarindoshlar hamrohligini talab qilish tartibining kuchga kirishi 2027-yil 1-martga qadar kechiktirildi.