Зарарли иловалар орқали 21 фуқаронинг 336 млн сўмини ўғирлаганлар ушланди

Bugun 21:251 daqiqa

Улар фуқароларга зарарли APK-иловани юборган. Ушбу илова орқали одамларнинг шахсий маълумотлари қўлга киритилган.

Зарарли иловалар орқали 21 фуқаронинг 336 млн сўмини ўғирлаганлар ушланди

Республика бўйлаб 21 нафар фуқаронинг жами 336 миллион сўм маблағи киберфирибгарлик йўли билан ўзлаштирилди. Бу ҳақда ИИВ Кибержиноятларга қарши курашиш департаменти маълум қилди.

Аниқланишича, фуқароларга номаълум шахс томонидан зарарли APK иловалари юборилган ва шу орқали уларнинг шахсий маълумотлари қўлга киритилган.

Шундан сўнг гумондорлар фуқароларнинг, жумладан Термизда доимий истиқомат қилувчи ҳамда Навоий вилоятининг Кармана туманида яшовчи шахсларнинг «E-auksion» платформасида рўйхатдан ўтганидан ва аккаунтидан фойдаланиб, банк карталаридаги пулларни ечиб олган.

Хусусан, жабрланувчилардан бирининг банк картасида мавжуд бўлган 230 миллион сўм пул маблағи шу йўл билан ўзлаштирилган.

Тезкор тадбир ва жиноят иши қўзғатилиши
«Хавфсиз ва соғлом юрт» кенг қамровли тезкор профилактик ойлиги доирасида ташкил этилган тезкор тадбир давомида фирибгарликда гумон қилинган уч нафар шахс қўлга олинди. Уларнинг жиноят схемалари ўрганилганда, республика бўйлаб 21 нафар фуқаронинг маблағлари худди шу усулда талон-торож қилингани аниқланди.

Мазкур ҳолат юзасидан жиноий гуруҳга нисбатан Ўзбекистон Республикаси Жиноят кодексининг 169-моддаси 3-қисми (Ўғрилик, қонунга хилоф равишда (рухсатсиз) ахборот тизимига кириб ёки ундан фойдаланиб) билан жиноят иши қўзғатилиб, тергов ҳаракатлари олиб борилмоқда.

Teglar

ИИВ банк картаси киберфирибгарлик E-auksion жиноят иши ўғрилик зарарли илова

Mavzuga oid

Bugun 10:45

30 йилдан ошган эски автомобиллар эгалари учун жарима жорий этилмайдиган бўлди

Ўзбекистонда ишлаб чиқарилганига 30 йилдан ошган автомобиллар учун компенсация тўлаш тартиби лойиҳадан чиқарилди. Ҳукумат янги ёндашув орқали ҳайдовчиларга бошқа имкониятлар беришни режалаштирмоқда.

Kecha 21:22

Ўзбекистонда 18 ёшгача бўлганларга диний таълим олиш имкониятини яратиш масаласи кўриб чиқилмоқда

Музаффар Комилов ҳукумат вояга етмаган фуқароларнинг диний таълим олишига қўйилган чекловларни юмшатиш устида ишлаётганини айтди.

Kecha 20:55

Ўзбекистонда «Apple Pay» ва «Google Pay» тизимларини ишга туширишга тайёргарлик кўрилмоқда — Spot

Жорий йилнинг сентябр ойида мазкур компаниялар билан тегишли музокаралар ўтказилиши кутилмоқда.

Bugun 17:19

Тошкент халқаро молия маркази тўғрисидаги қонун такомиллаштиришлардан сўнг маъқулланди

Аввалроқ Сенат Тошкент халқаро молия маркази тўғрисидаги конституциявий қонунни қайта ишлаш учун Қонунчилик палатасига қайтарганди.

Kecha 20:41

Уч карра ер солиғини тўлаганмисиз? Кимлар пулини қайтариб олади?

Янги қонун 2020–2024-йиллар давомида жисмоний шахслардан ундирилган уч карра ер солиғини бекор қилди. Натижада миллионлаб кўчмас мулк объектлари бўйича солиқ қайта ҳисобланади. Бироқ бу ўзгариш ерга эгалик ҳуқуқини автоматик бермайди. Мақолада кимлар пулини қайтариб олиши, ариза бериш тартиби ва янги қонуннинг энг муҳим жиҳатлари таҳлил қилинди.

Bugun 17:57