АҚШ давлат котиби Ўзбекистонга келмоқчи

Бугун 15:543061

АҚШ давлат котиби Марко Рубио 2026 йили Марказий Осиё мамлакатлари бўйлаб сафари доирасида Ўзбекистонга ташриф буюришини маълум қилди.

АҚШ давлат котиби Марко Рубио 2026 йилда Марказий Осиё давлатларига расмий ташриф уюштиришини эълон қилди. Унинг сафар йўналишига Қозоғистон, Қирғизистон, Тожикистон, Туркманистон ва Ўзбекистон киради. Бу ҳақда Рубио 6 ноябрь куни Вашингтонда АҚШ Давлат департаментида Марказий Осиё мамлакатлари ташқи ишлар вазирлари иштирокида бўлиб ўтган қабул маросимида маълум қилди.

«Мен келаси йили барча беш давлатга ташриф буюришни режалаштирганман. Сафар бир ҳафта ёки ундан ортиқ вақт давом этади», — деди давлат котиби.

Марко Рубио ўз нутқида АҚШ ва Марказий Осиё мамлакатларининг иқтисодий ривожланиш, бозор инфратузилмасига кириш ва табиий ресурслардан фойдаланиш соҳасидаги манфаатлари ўзаро мос келишини таъкидлади.

Унинг таъкидлашича, Вашингтон минтақадаги давлатлар билан ҳам икки томонлама, ҳам C5+1 формати доирасидаги ҳамкорликни янада кенгайтиришдан умидвор. Бу ташриф Марказий Осиё билан АҚШ ўртасидаги стратегик мулоқотни янги босқичга олиб чиқиши кутилмоқда.

Эслатиб ўтамиз, аввалроқ Озарбойжон «C5+1» форматига қўшилиши мумкинлиги ҳақида хабар берган эдик.

Теглар

АҚШ Ўзбекистон Марказий Осиё Марко Рубио C5+1

Мавзуга оид

02.11.2025 | 15:40

Тошкент аҳолиси бир ойда 60 млрд сўмлик кешбек олди

Солиқ қўмитаси 2025 йил сентябр ойида қайси ҳудудларда истеъмолчилар кўпроқ кешбекка эга бўлганини маълум қилди.

02.11.2025 | 20:46

Қурилиш ойналари учун утилизация йиғими жорий қилинади

«Табиатни муҳофаза қилиш тўғрисида»ги ва «Чиқиндилар тўғрисида»ги қонунларга қўшимча ва ўзгартиришлар киритилмоқда.

04.11.2025 | 17:55

Ўзбекистонда сунъий интеллект ёрдамида бажарилаётган тиббий амалиёт турлари 43 тага етди

Ўзбекистон тиббиёт тизимида сунъий интеллект ва робот технологиялари жорий этилиши натижасида амалиёт турлари кенгайди.

31.10.2025 | 17:30

Британия қироли ўз укасини барча унвонларидан маҳрум қилди

Буюк Британия қироли Чарлз III укаси Шаҳзода Эндрюни барча расмий унвон ва фахрий мақомларидан маҳрум қилиб, уни Букенгем қарорғоҳидан чиқариб юборишга қарор қилди.

01.11.2025 | 16:25

Сенат хавфли пиротехника буюмларини муомаладан чиқариш ҳақидаги қонунни маъқуллади

Янги қонунга кўра, Ўзбекистонда пиротехника буюмлари хавфлик даражасига кўра беш тоифага ажратилади. Фақат хавфсизлиги юқори бўлган I тоифадаги буюмлар — бенгал маёқчалари, стол фонтанлари ва хлопушкалар эркин муомалада бўлади, қолган барча пиротехника воситалари фуқаролар учун тақиқланади.

02.11.2025 | 17:12