Қирғизистон Андижонда ўз Бош консулхонасини очади

Бугун 21:201 дақиқа

Садир Жапаров Андижон шаҳрида Бош консулхона очиш тўғрисидаги фармонни имзолади. Янги ваколатхона Андижон, Фарғона ва Наманган вилоятларини қамраб олади.

Қирғизистон Андижонда ўз Бош консулхонасини очади

Қирғизистон Республикаси Ўзбекистоннинг Андижон шаҳрида ўз Бош консулхонасини очади. Қирғизистон президенти Садир Жапаров тегишли фармонни имзолади.

Ҳужжатга кўра, янги дипломатик ваколатхонанинг консуллик округи Ўзбекистоннинг учта ҳудудини — Андижон, Фарғона ва Наманган вилоятларини қамраб олади.

Бош консулхонанинг асосий вазифаси сифатида Ўзбекистонда бўлиб турган Қирғизистон фуқароларининг ҳуқуқ ва қонуний манфаатларини ҳимоя қилиш ҳамда уларга консуллик хизмати кўрсатишни таъминлаш белгиланган. Шунингдек, мазкур ваколатхонанинг очилиши икки мамлакат ўртасидаги иқтисодий ва маданий ҳамкорликни кенгайтиришга, фуқаролар учун янада қулай шарт-шароитлар яратишга қаратилган.

Қирғизистон Вазирлар Маҳкамасига Бош консулхонани очиш билан боғлиқ ташкилий ва молиявий масалаларни ҳал қилиш, шунингдек, зарур норматив ҳужжатларни ушбу фармонга мувофиқлаштириш топширилди.

Мазкур фармон 10 кундан сўнг расман кучга киради.

Теглар

Қирғизистон Садир Жапаров Фарғона водийси Бош консулхона элчихона Андижон Ўзбекистон дипломатия консуллик хизматлари сиёсат янгиликлари.

Мавзуга оид

Кеча 21:00

Ўзбекистоннинг хорижий қимматли қоғозлардаги инвестициялари бир ойда ярим миллиард долларга қисқарди

Ёз охиридан бошлаб Марказий банк қимматли қоғозлардан маблағларни фаол тарзда чиқариб олишни бошлаган.

Бугун 20:38

Хорижда реклама берган тадбиркорларга 20 минг долларгача харажатлари қайтарилади

ССПга кўра, Ўзбекистонлик тадбиркорлар халқаро бозорларда (Alibaba, Ozon) реклама бериш учун 20 000 долларгача субсидия олишлари мумкин.

Кеча 20:17

«Imarat Development» можароси: Шаҳзода Муҳаммедова нималарни ошкор қилди?

«Imarat Development» атрофидаги можаро янги босқичга чиқди. Марат Ҳамдамовнинг турмуш ўртоғи Шаҳзода Муҳаммедова икки қисмли видеомурожаат билан чиқиб, компания ичидаги келишмовчиликлар, Жасур Азизовга нисбатан даъволар ва оиласининг бизнесдаги иштироки ҳақида гапирди. У таъсисчилар ўртасидаги суҳбатлардан аудиоёзувларни ҳам еълон қилди. Хўш, бу ёзувларда нималар айтилган ва уй-жой учун пул тўлаган харидорларнинг тақдири нима бўлади?

Кеча 21:30

Банклар нақд пул ечиб олишда банкоматда қанча олиб қолади?

Uzcard ва HUMO карталаридан банкомат орқали нақд пул ечишда аксарият банкларда комиссия — 1 фоиз. Маълум суммагача комиссия олмайдиган банклар ҳам бор. Нақд пул ечишдан олдин карта тури, ойлик лимит, акция муддати ва банкоматда кўрсатилган якуний комиссияни текшириш керак.

Бугун 19:34

«Капиталбанк» 50 миллион долларлик корпоратив облигацияларни муомалага чиқаради

Облигацияларни сўндириш нақд пулсиз ҳисоб-китоблар йўли билан хорижий валютада (АҚШ долларида) амалга оширилади.

Бугун 17:37